ಇಂದು ತೆರೆಕಾಣುತ್ತಿರುವ ‘ನನಗಿಷ್ಟ’ ಚಿತ್ರದ ನಾಯಕಿ ಮಾತ್ರ ಬದುಕಿಲ್ಲ. ಯಾರು ಗೊತ್ತಾ ಆಕೆ?

ಬೆಂಗಳೂರು : ಶುಕ್ರವಾರ (ಇಂದು) ತೆರೆಕಾಣುತ್ತಿರುವ ಚಿತ್ರಗಳಲ್ಲಿ ‘ನನಗಿಷ್ಟ’ಚಿತ್ರವೂ ಒಂದು. ಆದರೆ ಒಂದು ಬೇಸರದ ವಿಷಯವೆನೆಂದರೆ ತಮ್ಮ ನಟನೆಯನ್ನು ನೋಡಿ ಸಂತೊಷಪಡಬೇಕಾಗಿದ್ದ ಈ ಚಿತ್ರದ ನಾಯಕಿ ಜೀವಂತವಾಗಿಲ್ಲ.

ಹೌದು. ಕಳೆದ ವರ್ಷ ಆಗಸ್ಟ್‌‌‌‌‌ನಲ್ಲಿ ನೆಲಮಂಗಲದ ಬಳಿ ನಡೆದ ಭೀಕರ ರಸ್ತೆ ಅಪಘಾತದಲ್ಲಿ ಸಾವನಪ್ಪಿದ ಕಿರುತೆರೆ ನಟಿ ರಚನಾ ಗೌಡ ಅವರು ‘ನನಗಿಷ್ಟ’ಚಿತ್ರದಲ್ಲಿ ನಾಯಕಿಯಾಗಿ ನಟಿಸಿದ್ದಾರೆ. ಕಿರುತೆರೆಯಲ್ಲಿ `ಮಹಾನದಿ', `ತ್ರಿವೇಣಿ ಸಂಗಮ' ಮುಂತಾದ ಧಾರಾವಾಹಿಗಳಲ್ಲಿ ನಟಿಸಿದ್ದ ರಚನಾ ಗೌಡ ಅವರು ನಾಯಕಿಯಾಗಿ ನಟಿಸಿದ ಮೊದಲ ಸಿನಿಮಾ ಇದು. ಆದರೆ ಇದೇ ಅವರ ಕೊನೆಯ ಸಿನಿಮಾ ಆಗಿದೆ ಎಂಬ ವಿಷಯ ಬೇಸರವನ್ನುಂಟುಮಾಡುತ್ತದೆ.

ದಿನೇಶ್ ಬಾಬು ಅವರು ನಿರ್ದೇಶಿಸಿರುವ ಈ ಚಿತ್ರದಲ್ಲಿ ನಾಯಕನಾಗಿ ಅಶ್ವಿನ್ ದೇವಾಂಗ್ ನಟಿಸಿದ್ದಾರೆ. ಈ ಸಿನಿಮಾ ಒಂದು ಥ್ರಿಲ್ಲರ್ ಕಥೆಯಾಗಿದ್ದು ಜೊತೆಗೆ ಲವ್‍ಸ್ಟೋರಿ ಕೂಡಾ ಹೊಂದಿದೆ. ಗಾಯಕಿ ನಂದಿತಾ ಅವರು ಮೊದಲ ಬಾರಿಗೆ ಈ ಚಿತ್ರಕ್ಕೆ ಸಂಗೀತ ನಿರ್ದೇಶನ ಮಾಡಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ