ವಿವಾದಕ್ಕೀಡಾದ ಚಾರ್ಮಿ ಕೌರ್ ತುಂಡುಡುಗೆ

ಇತ್ತೀಚೆಗೆ ಪೈಸಾ ವಸೂಲ್ ಚಿತ್ರಕ್ಕೆ ಭಾರೀ ಸಂಭಾವನೆ ಪಡೆದು ಸುದ್ದಿಯಾಗಿದ್ದ ತೆಲುಗು ನಟಿ ಚಾರ್ಮಿ ಕೌರ್ ಇದೀಗ ತುಂಡುಡುಗೆ ತೊಟ್ಟು ಗುರುದ್ವಾರ ಪ್ರವೇಶಿಸುವ ಮೂಲಕ ಸಿಖ್ಖರ ಆಕ್ರೋಶಕ್ಕೆ ಕಾರಣವಾಗಿದ್ದಾಳೆ.

ಸಿಖ್ಖರ ಪವಿತ್ರ ಧಾರ್ಮಿಕ ಕ್ಷೇತ್ರ ಗುರುದ್ವಾರಕ್ಕೆ ತೆರಳಿದ್ದ ಚಾರ್ಮಿ ಕೌರ್ ತುಂಡು ಲಂಗ ಹಾಕಿಕೊಂಡು ಹೋಗಿ ಪ್ರಾರ್ಥನೆ ಸಲ್ಲಿಸಿರುವುದು ವಿವಾದಕ್ಕೆ ಈಡಾಗಿದೆ. ಪ್ರಾರ್ಥನೆ ಸಲ್ಲಿಸುವ ವೇಲೆ ಚಾರ್ಮಿಯ ತೊಡೆಯ ಭಾಗ ಕಾಣಿಸಿರುವುದು ಫೋಟೋಗಳಿಂದ ಬಹಿರಂಗವಾಗಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ಫೋಟೋಗಳನ್ನ ನೋಡಿ ಭಾರೀ ಟೀಕೆ ಕೇಳಿಬರುತ್ತಿದೆ.

ಧಾರ್ಮಿಕ ಕ್ಷೇತ್ರಕ್ಕೆ ತೆರಳಿದ ಸಂದರ್ಭ ಇಂತಹ ಉಡುಪು ತೊಡಬೇಕೆಂಬ ಕನಿಷ್ಠ ಜ್ಞಾನವೂ ಇಲ್ಲವೇ ಎಂಬ ಮಾತುಗಳೂ ಕೇಳಿಬರುತ್ತಿವೆ. ಸ್ವತಃ ನಿರ್ದೆಶಕ ಪುರಿ ಜಗನ್ನಾಥ್, ಚಾರ್ಮಿಯನ್ನ ಕರೆದು ಕೋಪ ಹೊರಹಾಕಿದ್ದಾರೆ. ಇದಕ್ಕೆ ಚಾರ್ಮಿ ಕ್ಷಮೆ ಕೇಳಿದ್ದಾಳೆಂದು ವರದಿಯಾಗಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ