ಪತ್ನಿ ಸೋನಲ್ ಜತೆ ಹಾಸನಾಂಬೆ ದರ್ಶನ ಪಡೆದ ತರುಣ್‌, ದರ್ಶನ್‌ಗಾಗಿ ಹರಕೆ ಹೊತ್ರಾ ಸ್ಟಾರ್‌ ದಂಪತಿ

Photo Courtesy X

ಹಾಸನಾಂಬೆ ಎದುರು ದರ್ಶನ್‌ಗಾಗಿ ಪ್ರಾರ್ಥನೆ! 'ಕಾಟೇರ'ನಿಗಾಗಿ ಹರಕೆ ಹೊತ್ರಾ ತರುಣ್ ಸುಧೀರ್ ದಂಪತಿ?

ವರ್ಷಕ್ಕೆ 9 ದಿನಗಳ ಕಾಲ ಮಾತ್ರ ತೆರೆದಿರುವ ಹಾಸನಾಂಬೆ ದೇವಿಯ ದರ್ಶನವನ್ನು ಪಡೆಯಲು ರಾಜಕೀಯ ನಾಯಕರು, ಸೆಲೆಬ್ರಿಟಿಗಳು ಸೇರಿದಂತೆ ನಿತ್ಯ ಜನಸಾಗರವೇ ಹರಿದು ಬರ್ತಿದೆ. ಇಂದು ಕನ್ನಡದ ಸ್ಟಾರ್ ದಂಪಿಯಾದ ತರುಣ್ ಸುಧೀರ್ ಹಾಗೂ ಸೋನಲ್ ಅವರು ಹಾಸನಾಂಬೆ ದೇವಿಯ ದರ್ಶನವನ್ನು ಪಡೆದರು. ನಟ ದರ್ಶನ್ ಆಪ್ತರಾಗಿರೋ ತರುಣ್ ಸುಧೀರ್, ದೇವಿ ಬಳಿ ದರ್ಶನ್‌ಗೆ ಒಳ್ಳೆಯದಾಗಲಿ ಎಂದು  ಪ್ರಾರ್ಥನೆ ಮಾಡಿಕೊಂಡಿದ್ದಾರೆ. ನಟ ದರ್ಶನ್ ಬಗ್ಗೆ ಕಾಟೇರ ನಿರ್ದೇಶಕ ಹೇಳಿದ್ದೇನು?

ಜೈಲು ಸೇರಿರುವ ನಟ ದರ್ಶನ್ ಆಪ್ತ ಬಳಗದಲ್ಲಿ ಗುರುತಿಸಿಕೊಂಡಿರುವ ತರುಣ್, ಈ ದಿನ ದೇವಿಯ ಬಳಿ ದರ್ಶನ್ ಅವರಿಗಾಗಿಯೇ ಪ್ರಾರ್ಥನೆ ಮಾಡಿದ್ದಾಗಿ ಹೇಳಿದ್ದಾರೆ. ದೇವಿ ದರ್ಶನದ ಬಳಿಕ ಮಾತನಾಡಿದ ಅವರು, ಮದುವೆ ಆದ ಬಳಿಕ ಮೊದಲ ಬಾರಿ ಹಾಸನಾಂಬೆ ದರ್ಶನ ಪಡೆದಿದ್ದು ವಿಶೇಷ ಎನಿಸಿತು. ಎಲ್ಲರಿಗೂ ಆ ದೇವಿ ಒಳ್ಳೆಯದು ಮಾಡಲಿ.

ಜೀವನಪೂರ್ತಿ ಹೀಗೇ ಖುಷಿಯಾಗಿ ಇರಬೇಕು ಎಂದು ಕೇಳಿಕೊಳ್ಳುತ್ತೇನೆ. ಬೇಸರದ ವಿಚಾರದ ಅಂದ್ರೆ ಈ ಬಾರಿ ದರ್ಶನ್ ಸರ್ ನಮ್ಮ ಜೊತೆ ಬಂದಿಲ್ಲ. ಹೊರಗೆ ಇದ್ದಿದ್ರೆ ಅವರೂ ಕೂಡ ಹಾಸನಾಂಬೆ ದರ್ಶನ ಪಡೆಯಲು ಬರುತ್ತಿದ್ರು. ಅವರು ಬೇಗ ಹೊರಬರಲಿ ಎಂದು ನಾನು ಕೇಳಿಕೊಂಡಿದ್ದೇನೆ ಎಂದು ತರುಣ್ ಸುಧೀರ್ ಹೇಳಿದ್ರು.