ಧನುಷ್ ತಮಿಳು ಚಿತ್ರರಂಗದ ಸ್ಟಾರ್ ನಟ. ಅವರು ಕೇವಲ ತಮಿಳು ಮಾತ್ರವಲ್ಲ ತೆಲುಗು ಸಿನಿ ಪ್ರೇಕ್ಷಕರನ್ನು ಆಕರ್ಷಿಸಿರುವ ಕಲಾವಿದ. ಅವರಲ್ಲಿ ಅಡಗಿರುವ ಅಭಿಜಾತ ಪ್ರತಿಭೆಯಿಂದ ಮಾವ ರಜನಿಕಾಂತ್ ಅವರ ಪ್ರಭಾವಳಿ ಇಲ್ಲದೆ ವಿಭಿನ್ನವಾಗಿ ಬೆಳೆಯಲು ಸಾಧ್ಯವಾಗಿದೆ. ಈಗ ಅವರು ಹಿಂದಿ ಚಿತ್ರರಂಗದಲ್ಲೂ ಸಹಿತ ಸ್ಥಾನ ಪಡೆಯುತ್ತಿದ್ದಾರೆ. ಇತ್ತೀಚಿಗೆ ಬಿಡುಗಡೆಯಾದ ಶಮಿತಾಬ್ ಗಳಿಕೆಯಲ್ಲಿ ಹೆಚ್ಚಿನ ಸದ್ದು ಮಾಡದೇ ಇದ್ದರೂ ಸಹಿತ ಅವರ ನಟನೆಯ ವಿಷಯದಲ್ಲಿ ಸಾಕಷ್ಟು ಸುದ್ದಿ ಮಾಡಿದ್ದು ಸುಳ್ಳಲ್ಲ. ಈಗ ಆತನ ಪಾತ್ರಗಳನ್ನೂ ಮೂರು ಕೋನಗಳಿಂದ ತೋರಿಸುತ್ತಿರುವ ಚಿತ್ರ ಬಿಡುಗಡೆ ಆಗಲಿದೆ ಇಂದು. ಈ ಚಿತ್ರದ ಹೆಸರು ಅನೇಕುಡು.ಎಜಿಎಸ್ ಎಂಟರ್ ಟೈನ್ ಮೆಂಟ್ ನಿರ್ಮಿಸಿರುವ ಈ ಚಿತ್ರ ಇಂದು ಬಿಡುಗಡೆ ಆಗುತ್ತಿದೆ.
ಅಮೈರಾ ದಸ್ತೂರ್, ಐಶ್ವರ್ಯ ದೇವನ, ನಾಯಕಿರಾಗಿರುವ ಈ ಚಿತ್ರದ ಬಗ್ಗೆ ನಿರ್ದೇಶಕ ಕೆವಿ ಆನಂದ್ ಈ ಚಿತ್ದಲ್ಲಿ ಹೀರೋ ಧನುಷ್ ನಟಿಸಿರುವ ಪಾತ್ರಗಳು ಪ್ರೇಕ್ಷಕರನ್ನು ಆಕರ್ಷಿಸುತ್ತದೆ. ಉತ್ತಮ ಮನೋರಂಜನೆಯ ಸಂಗತಿಗಳನ್ನು ಹೊಂದಿರುವ ಈ ಚಿತ್ರದಲ್ಲಿ ಹ್ಯಾರಿಸ್ ದೇವರಾಜ್ ಉತ್ತಮ ಸಂಗೀತ ಸಂಯೋಜನೆ ಮಾಡಿದ್ದಾರೆ ಎಂದು ಈ ಸಮಯದಲ್ಲಿ ಹೇಳಿದ್ದಾರೆ. ಧನುಷ್ ಪ್ರಿಯರಿಗೆ ಖುಷಿಯ ಕಾಲ!