ಶಿವಣ್ಣ ರಿಯಲ್ ಸ್ಟಂಟ್‍ಗೆ ಬೆಚ್ಚಿಬಿತ್ತು ಸ್ಯಾಂಡಲ್‍ವುಡ್!

ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅಭಿನಯದ ಶ್ರೀಕಂಠ ಚಿತ್ರ ಇದೇ ಜನವರಿ 6ಕ್ಕೆ ತೆರೆಕಾಣುತ್ತಿದೆ. ಈ ಚಿತ್ರದ ಸಾಹಸ ದೃಶ್ಯವೊಂದು ಈಗ ಯೂಟ್ಯೂಬ್‌ನಲ್ಲಿ ಚರ್ಚೆಗೆ ಗ್ರಾಸವಾಗಿದ್ದು, ಶಿವಣ್ಣ ಮಾಡಿರುವ ಸಾಹಸ ಸನ್ನಿವೇಶ ಬೆಚ್ಚಿಬೀಳಿಸುವಂತಿದೆ.

ಚಲಿಸುತ್ತಿರುವ ರೈಲಿನ ಕೆಳಗೆ ಬೀಳುವ ಸಾಹಸಮಯ ಸನ್ನಿವೇಶ ಅದು. ಇದನ್ನು ಶಿವಣ್ಣ ನಿಜವಾಗಿಯೂ ಮಾಡಿದ್ದಾರಾ? ಅಥವಾ ಡ್ಯೂಪ್ ಕಲಾವಿದರನ್ನು ಬಳಸಿದ್ದಾರೆಯೇ ಎಂಬುದು ಈಗ ಚರ್ಚೆಯ ವಿಷಯವಾಗಿದೆ. ಶಿವಣ್ಣನ ಸಾಹಸ ನೋಡಿದವರು ಮೂಗಿನ ಮೇಲೆ ಬೆರಳಿಡುವುದಂತೂ ಸತ್ಯ.

ಮಂಜು ಸ್ವರಾಜ್ ಆಕ್ಷನ್ ಕಟ್ ಹೇಳಿರುವ ಈ ಚಿತ್ರ ಹೊಸ ವರ್ಷದ ಮೊದಲ ಚಿತ್ರವಾಗಿ ತೆರೆಕಾಣುತ್ತಿದೆ. ಮನು ಗೌಡ ನಿರ್ಮಿಸಿರುವ ಈ ಚಿತ್ರದ ನಾಯಕಿ ಚಾಂದಿನಿ ಶ್ರೀಧರನ್. ವಿಜಯ್ ರಾಘವೇಂದ್ರ ಸಹ ತಾರಾಬಳಗದಲ್ಲಿದ್ದು ಚಿತ್ರದ ಬಗ್ಗೆ ಸಾಕಷ್ಟು ಕುತೂಹಲ ಇಟ್ಟುಕೊಂಡಿದ್ದಾರೆ ಅಭಿಮಾನಿಗಳು. ಅಜನೀಶ್ ಲೋಕನಾಥ್ ಸಂಗೀತ ಇರುವ ಚಿತ್ರವನ್ನು ಶ್ರೀಧರ್ ಅವರು ಎನ್ಎಂ ಎಂಟರ್‌ಟೇನ್‍ಮೆಂಟ್ ಲಾಂಛನದಲ್ಲಿ ಬಿಡುಗಡೆ ಮಾಡುತ್ತಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.