ಈಗ ಜೈಲುವಾಸಿ ಆಗಿರುವ ಸಂಜಯ್ ದತ್ ಅವರ ನಟನೆಯ ಪೀಕೆ ಚಿತ್ರದ ಬಗ್ಗೆ ಸಾಕಷ್ಟು ಸುದ್ದಿಗಳು ಹರಡುವಂತೆ ಮಾಡಿದ್ದಾರೆ ಅದರ ಮುಖ್ಯ ಭೂಮಿಕೆಯಲ್ಲಿ ಇರುವ ನಟ ಆಮೀರ್ ಖಾನ್. ಈ ಚಿತ್ರವನ್ನು ನಿರ್ದೇಶನ ಮಾಡಿರೋದು ರಾಜ್ ಕುಮಾರ್ ಹಿರಾನಿ. ರಾಜ್ ಕುಮಾರ್ ಅವರ ಆಸ್ಥಾನ ಕಲಾವಿದರಾಗಿರುವ ಸಂಜಯ್ ದತ್ ಅವರ ಅನೇಕ ಚಿತ್ರಗಳು ಯಶಸ್ಸು ಗಳಿವೆ ರಾಜ್ ಅವರ ನಿರ್ದೇಶನದ ಗರಡಿಯಲ್ಲಿ ಮಿಂದು. ಈಗ ಸಂಜಯ್ ದತ್ ಅವರ ಅಭಿನಯದ ಚಿತ್ರ ಅಂದರೆ ಅವರ ಬದುಕನ್ನು ಆಧರಿಸಿದ ಚಿತ್ರ ಮಾಡಲು ಸಿದ್ಧತೆ ನಡೆಸಿದ್ದಾರೆ ಎನ್ನುವ ಸುದ್ದಿ ಇದೆ.
ಇದನ್ನು ಸಹ ಸಂಜಯ್ ಬಾಬ ಅವರ ಆಪ್ತ ಮಿತ್ರ ಹಾಗೂ ನಿರ್ದೇಶಕ ರಾಜ್ ಕುಮಾರ್ ಹಿರಾನಿ ಅವರೇ ನಿರ್ದೇಶಿಸುತ್ತಿದ್ದಾರೆ. ಸಂಜು ಅವರು ಹರೆಯದ ಪಾತ್ರಕ್ಕೆ ರಣಬೀರ್ ಕಪೂರ್ ಅವರು ಆಯ್ಕೆಯಾಗಿದ್ದಾರೆ. ಪ್ರಸ್ತುತ ಆಮೀರ್ ನಟನೆಯ ಪೀಕೆ ಚಿತ್ರದ ಕಡೆಗೆ ತಮ್ಮ ಚಿತ್ತ ನೆಟ್ಟಿರುವ ರಾಜ್ ಕುಮಾರ್ ಹಿರಾನಿ, ಆ ಚಿತ್ರದ ಕೆಲಸ ಪೂರ್ಣ ಆದ ಬಳಿಕ ಹೊಸ ಚಿತ್ರದತ್ತ ತಮ್ಮ ಗಮನ ನೆಡಲಿದ್ದಾರೆ.
ಸಂಜು ಬಾಬಾ ಅವರ ಪಾತ್ರದಲ್ಲಿ ನಟಿಸಲು ರಣಬೀರ್ ಕಡೆಯಿಂದ ಸಂಪೂರ್ಣವಾದ ಸಮ್ಮತಿ ಸಿಕ್ಕಿದೆಯಂತೆ. ಬಾಲಿವುಡ್ ನಲ್ಲಿ ಬದುಕಿರುವ ನಟನ ಜೀವನವನ್ನು ತೆರೆಯ ಮೇಲೆ ತೋರುತ್ತಿರುವುದು ವಿಶೇಷ ಸಂಗತಿಯಾಗಿದೆ. ಸಂಜಯ್ ಅವರ ವೈವಾಹಿಕ ಬದುಕಲ್ಲಿ ಆದ ಕಗ್ಗಂಟು, ಅವರು ಮಾದಕ ವ್ಯಸನಿ , ಬಾಂಬ್ ಪ್ರಕರಣ ಮತ್ತು ಜೈಲು ಪಾಲಾಗಿರುವ ಎಲ್ಲ ಸಂಗತಿಗಳನ್ನು ಸಹಿತ ಈ ಚಿತ್ರದಲ್ಲಿ ತೋರಿಸಲಾಗುತ್ತದೆ ಎನ್ನುವ ಸುದ್ದಿ ಇದೆ.
