ಇಡಿ ತನಿಖೆಯಲ್ಲಿ ಸಂಜನಾ ಗಲ್ರಾನಿ ಬಡ್ಡಿ ವ್ಯವಹಾರ ಬಯಲು

ಬೆಂಗಳೂರು: ಡ್ರಗ್ ಮಾಫಿಯಾ ಪ್ರಕರಣದಲ್ಲಿ ಬಂಧಿತರಾಗಿರುವ ನಟಿ ಸಂಜನಾ ಗಲ್ರಾನಿ ಈಗ ಹಣಕಾಸಿನ ವ್ಯವಹಾರಕ್ಕೆ ಸಂಬಂಧಿಸಿದಂತೆ ಇಡಿ ತನಿಖೆ ಎದುರಿಸುತ್ತಿದ್ದಾರೆ.

ಅವರ ಬ್ಯಾಂಕ್ ಖಾತೆಗಳ ಪರಿಶೀಲನೆ ಮಾಡಿರುವ ಅಧಿಕಾರಿಗಳಿಗೆ ಭಾರೀ ಪ್ರಮಾಣದ ಹಣ ವ್ಯವಹಾರ ಪತ್ತೆಯಾಗಿದೆ. ಈ ಸಂಬಂಧ ನಟಿಯನ್ನು ಪ್ರಶ್ನಿಸಲಾಗಿದ್ದು, ಆಕೆ ಮಾಲ್ ಗಳ ಮಾಲಿಕರಿಗೆ, ಉದ್ಯಮಿಗಳಿಗೂ ಬಡ್ಡಿಗೆ ಹಣ ನೀಡುತ್ತಿದ್ದಳು ಎಂದು ಬೆಳಕಿಗೆ ಬಂದಿದೆ ಎನ್ನಲಾಗಿದೆ. ಕೆಲವೇ ಕೆಲವು ಸಿನಿಮಾಗಳಲ್ಲಿ ನಟಿಸಿದ್ದ ನಟಿ ಹೀಗೆ ಕೋಟ್ಯಂತರ ವ್ಯವಹಾರ ಮಾಡಲು ಹಣ ಎಲ್ಲಿಂದ ಬರುತ್ತಿದೆ ಎಂಬ ಬಗ್ಗೆ ಅಧಿಕಾರಿಗಳು ತನಿಖೆ ನಡೆಸುತ್ತಿದ್ದಾರೆ.