ಸುಲ್ತಾನ್ ಸಿನಿಮಾ ರಿಲೀಸ್ ಆಗೋದಕ್ಕ ಇನ್ನೇನು ಕೆಲವೇ ದಿನಗಳು ಬಾಕಿ ಇವೆ ಅನ್ನೋವಾಗ ಸಿನಿಮಾದ ಕುರಿತಾದ ಕೆಲವು ಆಸಕ್ತಿಕರ ವಿಚಾರಗಳು ಒಂದೊಂದಾಗಿ ಬಹಿರಂಗವಾಗುತ್ತಲೇ ಇದೆ. ಸಲ್ಮಾನ್ ಖಾನ್ ಅವರು ಸಿನಿಮಾದಲ್ಲಿ ವಿಭಿನ್ನ ಪಾತ್ರವನ್ನು ನಿರ್ವಹಿಸಿರೋದು ಒಂದು ಕಡೆಯಾದ್ರೆ ಈ ಸಿನಿಮಾ ಅವರ ವೃತ್ತಿ ಬದುಕಿನಲ್ಲಿ ನೆನಪಿನಲ್ಲಿ ಉಳಿಯುವಂತಹ ಸಿನಿಮಾ.
ಸಲ್ಮಾನ್ ಖಾನ್ ಅವರ ಸುಸ್ತಾಲ್ ಸಿನಿಮಾ ಸಲ್ಲು ಪಾಲಿಗೆ ಅತ್ಯಂತ ವಿಶೇಷವಾದ ಸಿನಿಮಾ, ಯಾಕಪ್ಪಾ ಅಂದ್ರೆ ಇದುವರೆಗೂ ಸಲ್ಮಾನ್ ಖಾನ್ ಅವರು ಅಭಿನಯಿಸಿರುವಂತಹ ಸಿನಿಮಾಗಳಲ್ಲಿ ಅತೀ ಉದ್ದದ ಸಿನಿಮಾ ಅಂದ್ರೆ ಅದು ಸುಲ್ತಾನ್ ಸಿನಿಮಾವಂತೆ. ಈ ಸಿನಿಮಾ ಬರೋಬ್ಬರಿ 2 ಗಂಟೆ 50 ನಿಮಿಷವಿದೆ. ಸಲ್ಮಾನ್ ಖಾನ್ ಅವರು ಇದುವೆರಗೂ ಇಷ್ಟು ಉದ್ದದ ಸಿನಿಮಾದಲ್ಲಿ ಅಭಿನಯಿಸಿಲ್ಲವಂತೆ.
ಅದಲ್ಲದೇ ಸೆನ್ಸಾರ್ ಬೋರ್ಡ್ ಮೊನ್ನೆ ತಾನೇ ಸಿನಿಮಾಗೆ ಯು/ಎ ಸರ್ಟಿಫಿಕೇಟ್ ನೀಡಿದೆ.ಅಲ್ಲದೇ ಸಿನಿಮಾದ ಯಾವುದೇ ಸನ್ನಿವೇಶಕ್ಕೂ ಕತ್ತರಿ ಹಾಕದೇ ಇರೋದರಿಂದ ಸಿನಿಮಾ ಧೀರ್ಘವಾಗಿಯೇ ಉಳಿದಿದೆ.ಇನ್ನು ಈ ಸಿನಿಮಾ ಸಲ್ಮಾನ್ ಖಾನ್ ಅವರಿಗೆ ಸ್ಪೆಷಲ್ ಇಮೇಜ್ ಒಂದನ್ನು ತಂದುಕೊಡುತ್ತೆ ಅಂತಾ ಸಲ್ಮಾನ್ ಖಾನ್ ಅವರ ತಂದೆ ಸಲೀಂ ಖಾನ್ ಅವರು ಹೇಳಿದ್ದಾರೆ.
ಸುಲ್ತಾನ್ ಸಿನಿಮಾವನ್ನು ಅಲಿ ಅಬ್ಬಾಸ್ ಜಾಫರ್ ಅವರು ನಿರ್ದೇಶನ ಮಾಡಿದ್ದಾರೆ. ಈ ಸಿನಿಮಾದಲ್ಲಿ ಅನುಷ್ಕಾ ಶರ್ಮಾ ಅವರು ಸಲ್ಮಾನ್ ಖಾನ್ ಅವರಿಗೆ ಮೊದಲ ಬಾರಿಗೆ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ.ಆದಿತ್ಯಾ ಛೋಪ್ರಾ ಅವರು ಈ ಸಿನಿಮಾವನ್ನು ನಿರ್ಮಾಣ ಮಾಡಿದ್ದಾರೆ. ಜುಲೈ 6 ಅಂದ್ರೆ ಈದ್ ಹಬ್ಬಕ್ಕೆ ಈ ಸಿನಿಮಾ ರಿಲೀಸ್ ಆಗುತ್ತಿದೆ.
ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್ಲೋಡ್ ಮಾಡಿಕೊಳ್ಳಿ.
< >
ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್ಲೋಡ್ ಮಾಡಿಕೊಳ್ಳಿ< >