ರವಿಚಂದ್ರನ್ ಮಗನ ಹೊಸ ಸಿನಿಮಾ ಮುಹೂರ್ತ

ಬೆಂಗಳೂರು: ಕ್ರೇಜಿಸ್ಟಾರ್ ರವಿಚಂದ್ರನ್ ಪುತ್ರ ಮನೋರಂಜನ್ ಸಾಹೇಬ ಎನ್ನುವ ಚಿತ್ರದ ಮೂಲಕ ಚಿತ್ರರಂಗಕ್ಕೆ ಎಂಟ್ರಿ ಕೊಡುತ್ತಿರುವ ಸುದ್ದಿ ಈಗಾಗಲೇ ಗೊತ್ತಾಗಿದೆ. ಮನೋರಂಜನ್ ಈಗ ಮತ್ತೊಂದು ಸಿನಿಮಾ ಮಾಡಲು ಹೊರಟಿದ್ದಾರೆ.

ರಿಮೇಕ್ ಸಿನಿಮಾಗಳನ್ನು ಯಶಸ್ವಿಯಾಗಿ ಮಾಡುವ ಖ್ಯಾತಿ ಹೊಂದಿರುವ ನಂದಕಿಶೋರ್ ಈ ಸಿನಿಮಾದ ನಿರ್ದೇಶಕರು.  ಇದು ತಮಿಳಿನ ವೆಳಯಿಲ್ಲ ಪಟ್ಟಾದಿರಿ ಸಿನಿಮಾದ ರಿಮೇಕ್. ತಮಿಳಿನಲ್ಲಿ ಧನುಷ್ ಮಾಡಿದ ಪಾತ್ರವನ್ನು ಮನೋರಂಜನ್ ನಿರ್ವಹಿಸಲಿದ್ದಾರೆ.

ನಿನ್ನೆ ಅದರ ಮುಹೂರ್ತ ಕಾರ್ಯಕ್ರಮ ನಡೆದಿದ್ದು, ರಾಕ್ ಲೈನ್ ವೆಂಕಟೇಶ್, ರವಿಚಂದ್ರನ್ ದಂಪತಿ, ನಂದಕಿಶೋರ್ ಸೇರಿದಂತೆ ಗಣ್ಯರು ಸೇರಿದ್ದರು.  ಅದರ ಜತೆಗೆ ಮನೋರಂಜನ್ ಅಭಿನಯದ ಸಾಹೇಬ ಕೂಡಾ ಅಂತಿಮ ಹಂತದಲ್ಲಿದ್ದು, ಸದ್ಯದಲ್ಲೇ ಅಡಿಯೋ ರಿಲೀಸ್ ಆಗಲಿದೆ.  ಈ ಚಿತ್ರದಲ್ಲಿ ಯೋಗರಾಜ್ ಭಟ್ ಸಾಹಿತ್ಯ, ಹರಿಕೃಷ್ಣ ಸಂಗೀತ, ಕಂಠಿ ಸಿನಿಮಾ ಖ್ಯಾತಿಯ ಭರತ್ ನಿರ್ದೇಶನವಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ