ನಂಗೆ ಕೆಲಸ ಸಿಕ್ತಾ ಇಲ್ಲ ಎಂದು ಅಂದುಕೊಂಡಿದ್ದರು: ನಟಿ ವೈಷ್ಣವಿ ಗೌಡ

ಬೆಂಗಳೂರು: ಕಿರುತೆರೆಯ ಸೂಪರ್ ಸ್ಟಾರ್ ನಟಿ ವೈಷ್ಣವಿ ಗೌಡ ಮತ್ತೆ ಕಮ್ ಬ್ಯಾಕ್ ಮಾಡುತ್ತಿದ್ದಾರೆ. ಅಗ್ನಿಸಾಕ್ಷಿ ಧಾರವಾಹಿ ಬಳಿಕ ವೈಷ್ಣವಿ ನಟಿಸುತ್ತಿರುವ ಧಾರವಾಹಿ ಸೀತಾರಾಮ.

ಜುಲೈ 17 ರಿಂದ ಧಾರವಾಹಿ ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರ ಆರಂಭಿಸಲಿದೆ. ವೈಷ್ಣವಿಗೆ ಜೋಡಿಯಾಗಿ ಗಗನ್ ಚಿನ್ನಪ್ಪ ಅಭಿನಯಿಸುತ್ತಿದ್ದಾರೆ. ಒಂದು ಪ್ರಬುದ್ಧ ಪಾತ್ರದ ಮೂಲಕ ವೈಷ್ಣವಿ ಕಾಣಿಸಿಕೊಳ್ಳಲಿದ್ದಾರೆ.

ಈ ಬಗ್ಗೆ ಮಾತನಾಡಿರುವ ಅವರು ಇಷ್ಟು ದಿನ ನನಗೆ ಕೆಲಸ ಸಿಕ್ತಾ ಇಲ್ಲ. ಅದಕ್ಕೆ ನಾನು ಅಭಿನಯಿಸುತ್ತಿಲ್ಲ. ಖಾಲಿ ಕೂತಿದ್ದೇನೆ ಎಂದು ಕೆಲವರು ಮಾತಾಡಿಕೊಳ್ಳುತ್ತಿದ್ದರು. ಅವರೆಲ್ಲರಿಗೂ ಉತ್ತರ ಈ ಪ್ರಾಜೆಕ್ಟ್. ಟೈಟಲ್ ಹಾಡನ್ನು ನೋಡಿದ ಮೇಲೆ ಇಷ್ಟು ದಿನ ನಾವು ಪಟ್ಟ ಶ್ರಮಕ್ಕೆ ತಕ್ಕ ಪ್ರತಿಫಲ ಸಿಕ್ಕಿದೆ ಎನಿಸುತ್ತಿದೆ. ಒಳ್ಳೆ ಕೆಲಸ ನಿಧಾನವಾಗುತ್ತದೆ ಎಂದು ಹೇಳುತ್ತಾರಲ್ಲಾ? ಅದು ಇದನ್ನು ನೋಡಿದರೆ ನಿಜವೆನಿಸುತ್ತದೆ  ಎಂದಿದ್ದಾರೆ.