ಬರಹಗಾರ, ನಿರ್ದೇಶಕ ಪವನ್ ವಡೆಯರ್ ಅವರ ಬಹುದಿನದ ಕನಸು ಈಗ ನನಸಾಗಿದೆ. ಅವರು ಅತ್ಯಂತ ಖುಷಿಯ ಕ್ಷಣ ನಿನ್ನೆ ನಡೆಯಿತು. ಅದರ ಬಗ್ಗೆ ಅವರು ಟ್ವೀಟಿಸಿ ಹೇಳಿದ್ದಾರೆ. ಪವನ್ ವಡೆಯರ್ ಅವರು ಅತ್ಯಂತ ಖುಷಿಯಿಂದ, ಆನಂದ ಮತ್ತು ಸಂಭ್ರಮದಿಂದ ತಮ್ಮ ಭಾವವನ್ನು ವ್ಯಕ್ತ ಪಡಿಸಿದ್ದಾರೆ. ಪವನ್ ಚಿತ್ರನಿರ್ಮಾಪಕರನ್ನು ಭೇಟಿ ಮಾಡಿರುವುದು ಮಾತ್ರ ಇದಕ್ಕೆ ಕಾರಣವಲ್ಲ, ಜೊತೆ ಇನ್ನು ಒಂದಷ್ಟು ಸಂಗತಿಗಳು ಅವರ ಖುಷಿಗೆ ಕಾರಣವಾಗಿದೆ.
ಪವನ್ ವಡೆಯರ್ ಅವರು ಸೂಪರ್ ಸ್ಟಾರ್ ಗಳಿಗೆ ಸೂಪರ್ ಸ್ಟಾರ್ ಆಗಿರುವ ರಜನಿಕಾಂತ್ ಅವರನ್ನು ಭೇಟಿ ಮಾಡಿದ್ದು ಅಲ್ಲದೆ ಅವರೊಂದಿಗೆ ಮಾತನಾಡುವ ಅವಕಾಶ ದೊರಕಿದ್ದು ನಿನ್ನೆ ಪವನ್ ಬದುಕಿನ ವಿಶೇಷ. ಈ ಬಗ್ಗೆ ಟ್ವೀಟ್ ಮಾಡಿ ರಜನಿಕಾಂತ್ ಸರ್ ಅವರನ್ನು ಇಂದು ಬೆಳಿಗ್ಗೆ ಭೇಟಿ ಮಾಡಿದೆ. ಆ ಕಾರಣದಿಂದ ನನಗೆ ತುಂಬಾ ಖುಷಿ ಆಗಿದೆ. ನನ್ನ ಕನಸು ನನಸಾಗಿದೆ ಎಂದು ಹೇಳಿದ್ದರು. ಮೊನ್ನೆ ಅವರು ನಾನು ತುಂಬಾ ಎಗ್ಜೈಟ್ ಆಗಿದ್ದೇನೆ.ಆ ಬಗ್ಗೆ ಸಧ್ಯದಲ್ಲೇ ತಿಳಿಸುತ್ತೇನೆ ಎಂದು ಹೇಳಿದ್ದರು. ಇವೆಲ್ಲ ಗಮನಿಸಿದರೆ ರಜನಿಯ ಮುಂದಿನ ಚಿತ್ರವನ್ನು ಈ ಯುವ ನಿರ್ದೇಶಕ ನಿರ್ದೇಶಿಸುತ್ತಾರಾ? ಸಮಯ ಎಲ್ಲವನ್ನು ಹೇಳುತ್ತದೆ.ನಾವು ಪವನ್ ಕನಸು ನನಸಾಗಲಿ ಎಂದು ಹಾರೈಸೋಣ.