ಸಿನಿಮಾರಂಗದಲ್ಲಿ ಯಾರೂ ಮಿತ್ರರಲ್ಲ ಯಾರೂ ಶತ್ರುಗಳು ಅಲ್ಲ. ಏಕೆಂದರೆ ಇತ್ತೀಚೆಗಷ್ಟೇ ಟಾಲಿವುಡ್ ನಿರ್ದೇಶಕ ಶ್ರೀನು ವೈಟ್ಲ ಮತ್ತು ಪ್ರಕಾಶ್ ರಾಜ್ ನಡುವೆ ಹಿಗ್ಗಾಮುಗ್ಗ ಗಲಾಟೆ ಆಗಿತ್ತು. ಆದರೆ ಅವರು ಇನ್ನೆಂದಿಗೂ ಒಟ್ಟಿಗೆ ಕೆಲಸ ಮಾಡಲ್ಲ ಎನ್ನುವ ಮಾತು ಕೇಳಿ ಬಂದಿತ್ತು. ಕಾಲ ಗಳಿಗೆ ಹಾಗೂ ರಾಮ್ ಚರಣ್ ಅದೃಷ್ಟ ಈ ಜೋಡಿ ಮತ್ತೆ ಒಟ್ಟಿಗೆ ಕೆಲಸ ಮಾಡಲು ಸಿದ್ಧರಾಗಿದ್ದಾರೆ.
ಈ ಜೋಡಿ ಒಬ್ಬರ ಮೇಲೆ ಮತ್ತೊಬ್ಬರು ಅಸಹನೆಯನ್ನು ಮಾಧ್ಯಮಗಳ ಮುಂದೆ ತೋರಿದ್ದರು. ಆದಾದ ಬಳಿಕ ಅವರೆಷ್ಟು ಸಿಟ್ಟಿಗೆದಿದ್ದರು ಅಂದ್ರೆ ಇನ್ನೆಂದಿಗೂ ಈ ಜೋಡಿಗೆ ಒಟ್ಟಿಗೆ ಕೆಲಸ ಮಾಡೋಕೆ ಸಾಧ್ಯವೇ ಇಲ್ಲ ಎನ್ನುವಷ್ಟು. ಒಟ್ಟಾರೆ ಈಗ ಎಲ್ಲವು ಸರಿಯಾಗಿದೆ, ನಟ ಪ್ರಕಾಶ್ ರಾಜ್ ಶ್ರೀನು ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಆ ಸಿನಿಮಾದಲ್ಲಿ ರಾಮ್ ಚರಣ್ ಹೀರೋ ಆಗಿದ್ದಾರೆ. ಇವರಿಬ್ಬರ ಈ ನಡೆ ಕಂಡು ಇವರ ಆಪ್ತರು ದಂಗಾಗಿ ಹೋಗಿದ್ದಾರೆ. ಎಲ್ಲ ಮನ್ಮಥ ನಾಮ ಸಂವತ್ಸರದ ಮಹಿಮೆ!