ಕರೆಂಟು ಹೋದ ಟೈಮ್ ನಲ್ಲಿ ಎಂದು ಬಾಲಿವುಡ್ ಹಿರಿಯ ಸಂಗೀತ ನಿರ್ದೇಶಕ ಮತ್ತು ಹಾಡುಗಾರ ಬಪ್ಪಿ ಲಹರಿ ಕನ್ನಡ ಲವ್ ಇನ್ ಮಂಡ್ಯ ಚಿತ್ರದಲ್ಲಿ ಹಾಡಿದ್ದಾರೆ. ಆ ಹಾಡು ಅನೇಕ ಬಗೆಯ ಆಕರ್ಷಕ ಹಾಗೂ ಇಷ್ಟ ಪಡುವ ಟ್ಯೂನ್ನಿಂದ ಕೂಡಿದೆ. ರೆಟ್ರೋ ಟ್ರಾಕ್ ಒಂದು ಅಪರೂಪದ ಗಾನ ಹಾಡು ಸಹಿತ ಅತ್ಯಂತ ಆಕರ್ಷಕವಾಗಿದೆ ಎಂದು ಚಿತ್ರತಂಡದವರ ಅಭಿಮತವಾಗಿದೆ.
ಈ ಶಾಟ್ ಸಹಿತ ಎಂಬತ್ತರ ದಶಕದಲ್ಲಿ ಇರುವ ವಾತಾವರಣದಂತೆ ನಿರ್ಮಿಸಲಾಗಿದ್ದು, ಅದು ನೈಜವಾಗಿ ಬರುವಂತೆ ಶೂಟ್ ಮಾಡಿದ್ದಾರೆ ಛಾಯಾಗ್ರಾಹಕ ಸುಗುಣನ್
ಈ ಬಗ್ಗೆ ನೀನಾಸಂ ಸತೀಶ್ ಈ ಬಗ್ಗೆ ಮಾತನಾಡುತ್ತ ಈ ಹಾಡಿನ ಚಿತ್ರೀಕರಣ ಆಗುವಾಗ ಇಡಿ ತಂಡ ನಗುವುದನ್ನು ನಿಲ್ಲಿಸಿರಲಿಲ್ಲ. ಆ ಹಾಡಲ್ಲಿ ಎಂಬತ್ತರ ದಶಕದ ಶೈಲಿ ಇದ್ದು, ರೆಟ್ರೋ ಕಾಸ್ಟೂಮ್ ನ್ನು ಧರಿಸಿ ಆ ಹಾಡಿಗೆ ನಮ್ಮನ್ನು ತೊಡಗಿಸಿಕೊಂಡೆವು. ಎಂಬತ್ತರ ದಶಕದಲ್ಲಿ ಅಂಬರೀಶ್ , ರಾಜ್ ಕುಮಾರ್, ವಿಷ್ಣು ಸರ್, ಶಿವಣ್ಣ ಮತ್ತು ಶಂಕರ್ ಚಿತ್ರಗಳನ್ನು ಹೋಲುವಂತೆ ಚಿತ್ರೀಕರಣ ಮಾಡಲಾಯಿತು.
ಈ ಹಾಡಲ್ಲಿ ನಾನು ಹಾಗು ಸಿಂಧು ಆರು ಅಡಿ ಚೇರಿಂದ ಜಿಗಿದೆವು, ಬೆಟ್ಟದ ಮೇಲಿಂದ ಉರುಳಿದೆವು. ಇವೆಲ್ಲ ಚಿತ್ರದಲ್ಲಿ ನೋಡುವಾಗ ಚಂದ ಅನ್ನಿಸುತ್ತದೆ. ಆದರೆ ನಿಜಕ್ಕೂ ಅಂತಹ ಶೂಟಿಂಗ್ ನಲ್ಲಿ ಭಾಗವಹಿಸುವುದು ಮಾತ್ರ ಅತ್ಯಂತ ತ್ರಾಸದಾಯಕ ಎಂದು ಈ ಸಮಯದಲ್ಲಿ ಹೇಳಿದ್ದಾರೆ ಸತೀಶ್. ಈ ಚಿತ್ರದ ಚಿತ್ರೀಕರಣ ಚಿಕ್ಕಮಗಳೂರಿನಲ್ಲಿ ನಡೆಯುತ್ತಿದ್ದು. ಆಗಿನ ಕಾಲದ ಕಲಾವಿದರು ಯಾವ ರೀತಿ ಕಠಿಣ ಶ್ರಮ ವಹಿಸುತ್ತಿದ್ದರು ಎನ್ನುವುದು ಸ್ಪಷ್ಟ ಪಡಿಸುತ್ತದೆ ಎನ್ನುವ ಮಾತು ನೀನಾಸಂ ಸತೀಶ್ ಅವರಿಂದ ಹೊರ ಬಂದಿದೆ. ಆದ್ದರಿಂದ ತಾನೆ ಹಳೆಯ ಚಿತ್ರಗಳು ಜನರ ಮನದಲ್ಲಿ ಸ್ಥಿರವಾಗಿರುವುದು!