ಬಹುನಿರೀಕ್ಷಿತ ಭೈರತಿ ರಣಗಲ್ ಸಿನಿಮಾದ ಟ್ರೈಲರ್ ರಿಲೀಸ್‌, ಶಿವಣ್ಣ ಲುಕ್‌ಗೆ ಅಭಿಮಾನಿಗಳು ಫಿದಾ

Photo Courtesy X

ನಟ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅಭಿನಯದ ಬಹುನಿರೀಕ್ಷಿತ 'ಭೈರತಿ ರಣಗಲ್' ಸಿನಿಮಾದ ಟ್ರೈಲರ್ ಬಿಡುಗಡೆ ಆಗಿದೆ. 2017 ರಲ್ಲಿ ಬಿಡುಗಡೆ ಆಗಿದ್ದ 'ಮಫ್ತಿ' ಸಿನಿಮಾದ ಪಾತ್ರವಾದ ಭೈರತಿ ರಣಗಲ್ ಪಾತ್ರವನ್ನು ಪ್ರಧಾನವಾಗಿಟ್ಟುಕೊಂಡು ಈ ಸಿನಿಮಾ ಮಾಡಿದ್ದು, ಈಗಾಗಲೇ ಸಾಕಷ್ಟು ನಿರೀಕ್ಷೆಯನ್ನು ಮೂಡಿಸಿದೆ.   ಇಂದು ಬಿಡುಗಡೆಯಾದ ಟ್ರೈಲರ್‌ನಲ್ಲಿ ಶಿವಣ್ಣ ಅವರ ಬೇರೆ ಬೇರೆ ಶೇಡ್‌ನ ಲುಕ್‌ಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ.

ಟ್ರೈಲರ್​ನಲ್ಲಿ ಶಿವಣ್ಣ ಸಖತ್ ಆಗಿ ಕಾಣಿಸಿಕೊಂಡಿದ್ದಾರೆ. ಮಚ್ಚು ಹಿಡಿದು ದುಷ್ಟ ಸಂಹಾರಿಸಿರುವುದನ್ನು ಕಾಣಬಹುದು.

ಶಿವಣ್ಣ ಪಾತ್ರದೊಂದಿಗೆ ಬೇರೆ ಕೆಲವು ಪಾತ್ರಗಳನ್ನು ತೋರಿಸಲಾಗಿದೆ. ಅದರಲ್ಲಿ ಬಾಲಿವುಡ್ ನಟ ರಾಹುಕಲ್ ಭೋಸ್‌, ಶಿವಣ್ಣನ ಸಹೋದರಿಯ ಪಾತ್ರ ನಿರ್ವಹಿಸಿರುವ ಛಾಯಾ ಸಿಂಗ್​ ಸಹ ಟ್ರೈಲರ್​ನಲ್ಲಿ ಹೆಚ್ಚು ಕಾಣುತ್ತಾರೆ. ನಾಯಕಿ ರುಕ್ಮಿಣಿ ವಸಂತ್ ಹೀಗೆ ಬಂದು ಹಾಗೆ ಹೊರಟುಬಿಡುತ್ತಾರೆ. ಅವಿನಾಶ್ ಹಾಗೂ ಇನ್ನೂ ಕೆಲ ಪಾತ್ರಗಳು ಟ್ರೈಲರ್​ನಲ್ಲಿ ಕಾಣುತ್ತವೆ.

ಭೈರತಿ ರಣಗಲ್ ಸಿನಿಮಾ ಇದೇ 15ರಂದು ಬಿಡುಗಡೆಯಾಗಲಿದ್ದು, ಸಿನಿಮಾಗೆ ಶಿವರಾಜ್‌ಕುಮಾರ್ ಹಾಗೂ ಗೀತಾ ಅವರು ಬಂಡವಾಳ ಹೂಡಿದ್ದಾರೆ.