ಕಾಲಿವುಡ್ ನಲ್ಲಿ ಹೆಸರು ಮಾಡಿರುವ ಹನ್ಸಿಕ ನೆನಪು ಬಂದಾಗ ಜೊತೆಯಲ್ಲಿ ಮನದಲ್ಲಿ ಮೂಡುವ ಹೆಸರು ಶಿಂಬು. ಈ ಜೋಡಿ ತಮ್ಮ ಪ್ರೀತಿ, ಪ್ರಣಯ ಮದುವೆ ಆಗಿಯೇ ಬಿಡ್ತಾರೆ ಎನ್ನುವ ಸುದ್ದಿ ಹೀಗೆ ಪ್ರತಿಯೊಂದು ಮನದ ಪಟಲದಲ್ಲಿ ಬರುತ್ತದೆ. ಅದೇರೀತಿ ಈ ಎರಡು ತಿಂಗಳಲ್ಲಿ ನಡೆದಂತಹ ಪ್ರತಿಯೊಂದು ಸಂಗತಿಯು ಸಹ ಕಾಲಿವುಡ್ ಪಟ್ಟಣದಲ್ಲಿ ಸಾಕಷ್ಟು ಹಾಟ್ ನ್ಯೂಸ್ ಆಗಿದ್ದು ಸತ್ಯ ಸಂಗತಿ. ಈಗ ಈ ಜೋಡಿ ಮತ್ತೆ ಒಂದಾಗುವ ಪರಿಸ್ಥಿತಿ ಉಂಟಾಗಿದೆ, ಆದರೆ ಸಿನಿಮಾದಲ್ಲಿ ನಟಿಸಲು ಎನ್ನುವ ಸಂಗತಿ ನೆನಪಲ್ಲಿ ಇರಲಿ. ಶಿಂಬು ಮತ್ತು ಹನ್ಸಿಕ ನಟನೆಯ ವಾಲೂ ಚಿತ್ರದ ಶೂಟಿಂಗ್ ಮುಗ್ಸಿ ತೆರೆ ಕಾಣ ಬೇಕಿತ್ತು ಆದರೆ ಈ ಜೋಡಿ ಕಾಲ್‌ಶೀಟ್ ನೀಡಿದರು ಸಹಿತ ಯಾವುದ್ಯಾವುದೋ ಕಾರಣಗಳಿಂದ ಚಿತ್ರದ ಶೂಟಿಂಗ್ ಗೆ ಹೋಗಿರಲಿಲ್ಲ. ಹೀಗೆ ಅನೇಕ ಕಾರಣಗಳಿಂದ ಸಮಯ ಹಾಳು ಮಾಡಿದ್ದರು.
ಈ ಕಾರಣದಿಂದ ಶೂಟಿಂಗ್ ಕುಂಟುತ್ತಾ ಸಾಗಿದ್ದು ಎಲ್ಲರಿಗು ಗೊತ್ತಿರುವ ಸತ್ಯ. ಈ ಚಿತ್ರಕ್ಕೆಂದು ಹನ್ಸಿಕ 60 ದಿನಗಳ ಕಾಲ್‌ಶೀಟ್ ನೀಡಿದ್ದಾಳೆ. ಅದಲ್ಲದೆ ಮತ್ತೂ 20 ದಿನಗಳ ಕಾಲ್‌ಶೀಟ್ ಸಹಿತ ನೀಡಿದ್ದಾಳೆ. ಅದಲ್ಲ ಈಗ ಮತ್ತೆ ಮೂರು ದಿನಗಳ ಕಾಲ್‌ಶೀಟ್ ಬೇಕು ಎನ್ನುವ ಮಾತನ್ನು ಚಿತ್ರತಂಡ ತಿಳಿಸಿದೆ. ಆದರೆ ಆ ಮೂರು ದಿನಕ್ಕೆ ಈಕೆ ಕಡೆಯಿಂದ ನೋ ಅನ್ನುವ ಉತ್ತರ ಸಿಕ್ಕಿದೆ . ಹನ್ಸಿಕ ನಿರ್ಧಾರಕ್ಕೆ ಚಿತ್ರತಂಡ ಗಾಬರಿಯಾಗಿದೆ.
ಹೀರೋಯಿನ್ ಕಾರಣದಿಂದ ಚಿತ್ರದ ಬಿಡುಗಡೆಗೆ ಕಷ್ಟ ಆಗಿದೆ ಎಂದು ಹನ್ಸಿಕ ಮೇಲೆ ತಪ್ಪು ಹೊರೆಸಿರುವ ಶಿಂಬು ನಿರ್ಮಾಪಕರ ಮಂಡಳಿಗೆ ದೂರು ನೀಡಲು ಸಿದ್ಧವಾಗಿದ್ದಾರೆ ಎನ್ನುವ ಸುದ್ದಿ ಹರಡಿದೆ. ಈ ಚಿತ್ರದ ಬಗ್ಗೆ ಶಿಂಬು ಯಾಕಿಷ್ಟು ಚಿಂತೆ ಮಾಡ್ತಾ ಇರೋದು ಅಂದ್ರೆ ಆತ ಸಹ ಇದರ ನಿರ್ಮಾಣದಲ್ಲಿ ಪಾಲುಗಾರಿಕೆ ಹೊಂದಿದ್ದಾರೆ.
