ಭಾರತದಲ್ಲಿ ಅನೇಕ ನಗರಗಳನ್ನು ನೋಡಿದ್ದೇನೆ. ಆದರೆ ಚೆನ್ನೈಗೆ ಇದೆ ಮೊದಲ ಬಾರಿ ಬಂದಿರೋದು ಎನ್ನುವ ಸಂಗತಿಯನ್ನು ಐ ವೀಡಿಯೋ ಕಾರ್ಯಕ್ರಮದಲ್ಲಿ ಭಾಗವಹಿಸಿದ ಹಾಲಿವುಡ್ ನಟ ಅರ್ನಾಲ್ಡ್ ಹೇಳಿದ್ದಾರೆ. ಐ ಆಡಿಯೋ ಕಾರ್ಯಕ್ರಮಕ್ಕೆ ನಾನು ಅತಿಥಿಯಾಗಿ ಬರಲಿಲ್ಲ. ಶಂಕರ್ ಬಳಿ ಒಂದು ಅವಕಾಶ ಕೇಳಲು ಬಂದಿದ್ದೇನೆ . ಆತನ ನಿರ್ದೇಶನದ ಚಿತ್ರದಲ್ಲಿ ನಟಿಸುವ ಆಸೆ ಇದೆ. ಶಂಕರ್ ಸಮ್ಮತಿಸಿದರೆ ಕ್ಯಾನನ್ ಬೈಕಿಂಗ್ ನಂತಹ ಚಿತ್ರದಲ್ಲಿ ನಟಿಸಲು ಸಿದ್ಧ ಎನ್ನುವ ಮಾತನ್ನು ಹೇಳಿದ್ದಾರೆ ಅರ್ನಾಲ್ಡ್.
ನಾನು ಓರ್ವ ಬಾಡಿ ಬಿಲ್ಡರ್ ಆಗಿದ್ದು ಹೀರೋ ಆಗಿ ಬದಲಾದ ಬಗ್ಗೆ ಹೆಚ್ಚು ಖುಷಿ ಇದೆ ಬದುಕಲ್ಲಿ. ಚೆನ್ನೈ ಜನರ ಅಭಿಮಾನ ಕಂಡು ಸಕತ್ ಖುಷಿ ಆಯ್ತು. ಮತ್ತೆ ನಾನು ಚೆನ್ನೈ ಗೆ ಶಂಕರ್ ನಿರ್ದೇಶನದ ಚಿತ್ರದಲ್ಲಿ ನಟಿಸುವಾಗ ಬರುತ್ತೇನೆ ಎಂದು ಹೇಳಿದರು. ಐ ಹಾಲಿವುಡ್ ರೇಂಜ್ ಚಿತ್ರ ಎಂದು ಸೂಪರ್‌ಸ್ಟಾರ್ ರಜನಿಕಾಂತ್ ಅವರು ಹೇಳಿದ್ದಾರೆ. ಭಾರತೀಯ ಚಿತ್ರವನ್ನು ಹಾಲಿವುಡ್ ಮಟ್ಟಕ್ಕೆ ಕರೆದೊಯ್ದಿದ್ದಾರೆ ಶಂಕರ್ ಎಂದು ರಜನಿಕಾಂತ್ ಈ ಸಮಯದಲ್ಲಿ ಹೇಳಿದ್ದಾರೆ. ವಿಕ್ರಮನಂತಹ ಕಲಾವಿದ ಹಾಲಿವುಡ್ ನಲ್ಲೂ ಸಹಿತ ಇಲ್ಲ ಎನ್ನುವ ಮಾತನ್ನು ಮರೆಯದೇ ಈ ಸಂದರ್ಭದಲ್ಲಿ ರಜನಿ ಹೇಳಿದ್ದಾರೆ.