ಸದ್ಯದ ಸುದ್ದಿ ಏನು ಅಂತ ಸೂಪರ್ರೋ ರಂಗ ಚಿತ್ರದ ಬಗ್ಗೆ ಕೇಳಿದರೆ ಈಗ ಆ ಚಿತ್ರದ ಹೀರೋ ಹೀರೋಯಿನ್ ಗಳಾದ ಉಪೇಂದ್ರ ಮತ್ತು ಕೃತಿಕರಬಂಧ ಹೆಚ್ಚು ಪ್ರಣಯ ದೃಶ್ಯಗಳಲ್ಲಿ ಭಾಗವಹಿಸಿದ್ದಾರಂತೆ. ಈ ಜೋಡಿ ಹೆಚ್ಚು ಆಸಕ್ತಿ ಭರಿತ ಸನ್ನಿವೇಶಗಳಲ್ಲಿ ತಮ್ಮನ್ನು ತೊಡಗಿಸಿ ಕೊಂಡಿದ್ದಾರೆ ಎನ್ನುವ ಸುದ್ದಿ ಹರಡಿದೆ ಗಾಂಧೀ ನಗರದಲ್ಲಿ.
ಈ ಚಿತ್ರವನ್ನು ಕನ್ನಡದ ಪ್ರಸಿದ್ದ ನಿರ್ದೇಶಕ- ಸಂಗೀತ ನಿರ್ದೇಶಕ- ನಟ ಸಾಧು ಕೋಕಿಲ ನಿರ್ದೇಶಿಸುತ್ತಿದ್ದಾರೆ. ಉಪ್ಪಿ ಮತ್ತು ಸಾಧು ಅವರ ಜೋಡಿ ಅನೇಕ ಯಶಸ್ವಿ ಚಿತ್ರಗಳನ್ನು ನೀಡಿದೆ. ಅದೇರೀತಿ ಈಗ ಮತ್ತೊಮ್ಮೆ ಸೂಪರ್ರೋರಂಗ ಮೂಲಕ ಒಂದಾಗಿದ್ದಾರೆ .ಈ ಚಿತ್ರದಲ್ಲಿ ಲಿಪ್ ಲಾಕ್ ಸನ್ನಿವೇಶಗಳಲ್ಲಿ ಈ ತಾರ ಜೋಡಿ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ ಎನ್ನುವ ಸುದ್ದಿಗೆ ಈಗ ಸಿಕ್ಕಾಪಟ್ಟೆ ಬೆಲೆ ಬಂದಿದೆ.
ಸಾಮಾನ್ಯವಾಗಿ ಹಿಂದಿ ಚಿತ್ರಗಳಲ್ಲಿ ಇಂತಹ ದೃಶ್ಯಗಳು ಸಾಮಾನ್ಯ. ಆದ್ರೆ ಕನ್ನಡದಲ್ಲಿ ಈ ರೀತಿಯ ಸನ್ನಿವೇಶಗಳು ಅಂದ್ರೆ ಎಲ್ಲರಿಗೂ ಆಶ್ಚರ್ಯ ಆಗೋದು ಸಹಜ.. ಆದರೂ ಈ ಲಿಪ್ ಲಾಕ್ ಯಾವ ರೇಂಜ್ ನಲ್ಲಿ ಇರುತ್ತೆ ಎನ್ನುವ ಕುತೂಹಲ ಎಲ್ಲರಲ್ಲೂ ಇದೆ.