ಪ್ರಕಾಶ್ ರಾಜ್ ಟಾಲಿವುಡ್ ಸೂಪರ್ ಸ್ಟಾರ್ ಪವರ್ ಸ್ಟಾರ್ ಪವನ್ ಕಲ್ಯಾಣ್ ಚಿತ್ರದಲ್ಲಿ ನಟಿಸುವ ಅವಕಾಶ ಪಡೆದುಕೊಂಡಿದ್ದಾರೆ. ಪ್ರಸ್ತುತ ಪವನ್ ಕಲ್ಯಾಣ್ ಮತ್ತು ವೆಂಕಟೇಶ್ ಅವರ ನಟನೆಯ ಮಲ್ಟಿ ಸ್ಟಾರ್ ಚಿತ್ರ ಗೋಪಾಲ ಗೋಪಾಲ ಚಿತ್ರವು ಈಗ ತನ್ನ ಕೆಲಸ ಪೂರೈಸಿದ್ದು, ಮೊದಲ ಬಾರಿ ಈ ಚಿತ್ರದ ಮುಖಾಂತರ ವೆಂಕಿ ಮತ್ತು ಪವನ್ ಒಟ್ಟಾಗಿ ನಟಿಸುತ್ತಿದ್ದಾರೆ.
ಅಲ್ಲದೆ ಇವರಿಬ್ಬರ ಸಂಭಾಷಣೆಗಳು ಸಹಿತ ಹೆಚ್ಚು ಪವರ್ಫುಲ್ ಆಗಿದೆ ಎನ್ನುವ ಮಾತು ಟಾಲಿವುಡ್ ನಲ್ಲಿ ಹೆಚ್ಚು ಕೇಳಿ ಬರುತ್ತಿದೆ. ಈ ಚಿತ್ರದ ಬಳಿಕ ಪವನ್ ಕಲ್ಯಾಣ್ ನಟಿಸುತ್ತಿರುವ ಚಿತ್ರ ಗಬ್ಬರ್ ಸಿಂಗ್ 2 . ಈ ಚಿತ್ರಕ್ಕೆ ಸಂಬಂಧಪಟ್ಟ ಶೂಟಿಂಗ್ ಆಗಸ್ಟ್ ಎರಡನೇ ವಾರದಿಂದ ಆರಂಭ ಆಗುತ್ತದೆ.
ಗೋಪಾಲ ಗೋಪಾಲ ಚಿತ್ರವನ್ನು 22 ದಿನಗಳಲ್ಲಿ ಪೂರ್ತಿ ಮಾಡಿದಂತೆ ಗಬ್ಬರ್ ಸಿಂಗ್ 2 ನ್ನು ಸಹಿತ ಎರಡು ತಿಂಗಳುಗಳ ಒಳಗೆ ಪೂರ್ಣ ಗೊಳಿಸುವ ಉದ್ದೇಶ ಹೊಂದಿದ್ದಾರೆ ಪವನ್.
.........ಇನ್ನು ಇದೆ. ಮುಂದೆ ಓದಿ.
ಈ ಚಿತ್ರದಲ್ಲಿ ಪ್ರಕಾಶ್ ರಾಜ್ ಸಹ ಭಾಗವಾಗಿದ್ದು, ಅತ್ಯಂತ ಮುಖ್ಯ ಪಾತ್ರದಲ್ಲಿ ತಮ್ಮ ಅಭಿನಯ ತೋರಲಿದ್ದಾರೆ ಪ್ರಕಾಶ್. ಮೊನ್ನೆ ಮೊನ್ನೆ ವರೆಗೂ ಪ್ರಕಾಶ್ ರಾಜ್ ವಿಷಯದಲ್ಲಿ ನಿರ್ಲಕ್ಷ್ಯ ತೋರಿದ್ದ ಆ ಚಿತ್ರತಂಡ ಈಗ ಪವನ್ ಕಲ್ಯಾಣ್ ಅವರ ಮಾತಿನಂತೆ ಪ್ರಕಾಶ್ ಅವರಿಗೆ ಅವಕಾಶ ನೀಡುತ್ತಿದ್ದಾರೆ.
ಅಂದರೆ ಈ ಮುಖಾಂತರ ಪ್ರಕಾಶ್ ರಾಜ್ ಅವರು ಮತ್ತೆ ಟಾಲಿವುಡ್ ನಲ್ಲಿ ತಮ್ಮ ಪ್ರಭಾವ ತೋರುವ ಸಂದರ್ಭಗಳು ಹೆಚ್ಚಾಯಿತು. ಬಾಲಿವುಡ್ ಮತ್ತು ಕಾಲಿವುಡ್ ನಲ್ಲಿ ಹೆಚ್ಚು ತೊಡಗಿಸಿಕೊಂಡಿರುವ ಪ್ರಕಾಶ್ ರಾಜ್ ಇತ್ತೀಚೆಗೆ ವಿವಾದಗಳ ಮುಖಾಂತರ ಟಾಲಿವುಡ್ ನಲ್ಲಿ ಸುದ್ದಿ ಮಾಡಿದ್ದರು. ಅದೀಗ ಶಾಂತವಾಗಿದ್ದು ಅವರ ಪ್ರತಿಭೆಗೆ ಮತ್ತೆ ಗೌರವ ತೋರುತ್ತಿದೆ ಟಾಲಿವುಡ್ .
