ಇಂದು ತೆರೆ ಕಾಣುತ್ತಿರುವ ಮೋಹಕ ನಟ ರಾಜೇಶ್ ಕೃಷ್ಣನ್ ಅವರ ಮೆಲೋಡಿ

ರಾಜೇಶ್ ಕೃಷ್ಣನ್ ಅಭಿನಯದ ಮೆಲೋಡಿ ಚಿತ್ರ ಇಂದು ತೆರೆ ಕಾಣುತ್ತಿದೆ. ಹದಿನಾಲ್ಕು ವರ್ಷಗಳ ಬಳಿಕ ನಿರ್ದೇಶಕ ಬರಹಗಾರ ನಂಜುಂಡ ಅವರು ನಿರ್ದೇಶನ ಮಾಡಿದ ಮೆಲೋಡಿ ಚಿತ್ರ ಇಂದು ರಾಜ್ಯಾದ್ಯಂತ ಬಿಡುಗಡೆ ಆಗುತ್ತಿದೆ. ಕನಸಲೂ ನೀನೇ ಮನಸಲೂ ನೀನೇ ಇದು ನಂಜುಂಡ ಅವರ ಚೊಚ್ಚಲ ಚಿತ್ರವಾಗಿತ್ತು. ಅದಾದ ಬಳಿಕ ಅವರು ಮೆಲೋಡಿ ಚಿತ್ರದ ಮುಖಾಂತರ ನಿರ್ದೇಶನದತ್ತ ಒಲವನ್ನು ತೋರಿದ್ದಾರೆ. ಈ ಚಿತ್ರ ನರ್ತಕಿ ಸೇರಿದಂತೆ ಹಲವಾರು ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಗುತ್ತಿದೆ. ರಾಜೇಶ್ ಕೃಷ್ಣನ್, ಚೇತನ್ ಗಂಧರ್ವ, ಕಾರ್ತಿಕ್ ಮೆನನ್  ಮುಂತಾದವರು ಈ ಚಿತ್ರದಲ್ಲಿ ನಟಿಸಿದ್ದಾರೆ. 

ಮೆಲೋಡಿ ಕೇವಲ ಸಂಗೀತಕ್ಕೆ ಸಂಬಂಧ ಪಟ್ಟಿದುದಲ್ಲ, ಇದು ಸಂಗೀತಮಯ ಬದುಕಿನ ಕಥಾಹಂದರ ಹೊಂದಿರುವ ಚಿತ್ರ. ಈ ಚಿತ್ರ ಸಾಮಾಜಿಕ ಜಾಲತಾಣದಿಂದ ಎದುರಾಗುವ ಸಮಸ್ಯೆಗಳ ಬಗ್ಗೆ ತಿಳಿಸುತ್ತದೆ. ನಾವು ಇದರಲ್ಲಿ ಸಾಮಾಜಿಕ ಜಾಲತಾಣಗಳ ಬಗ್ಗೆ ಕೆಟ್ಟದಾಗಿ ಹೇಳುತ್ತಿಲ್ಲ.  

ಆದರೆ ಅಂತಹ ಜಾಲತಾಣಗಳಿಂದ ಉದ್ಭವ ಆಗುತ್ತಿರುವ ಸಮಸ್ಯೆಗಳ ಬಗ್ಗೆ ಹೇಳುವ ಪ್ರಯತ್ನ ಮಾಡುತ್ತಿದ್ದೇವೆ. ಅನೇಕರು ಇಂತಹ ಸಮಸ್ಯೆಗಳಿಗೆ ಕಾರಣರಾಗುತ್ತಿದ್ದಾರೆ ಎಂದಿದ್ದಾರೆ ನಿರ್ದೇಶಕ ನಂಜುಂಡ. ಇದರ ಕಥೆ ಚಿತ್ರಕಥೆ ಮತ್ತು ಸಂಭಾಷಣೆಯನ್ನು ಖುದ್ದು ನಿರ್ದೇಶಕರೇ ಮಾಡಿದ್ದಾರೆ.ಈ ಚಿತ್ರಕ್ಕೆ ಸಂಗೀತ ನಿರ್ದೇಶನವನ್ನು ಎಲ್ ಎನ್ ಶಾಸ್ತ್ರಿ ಅವರೇ ಮಾಡಿದ್ದಾರೆ. ಇದರ ಕೊರಿಯಾಗ್ರಫಿಯನ್ನು ನಾಗೇಶ್ವರ್ ರಾವ್ ಅವರು ಮಾಡಿದ್ದಾರೆ.