ಕಲರ್ಸ್ ಕನ್ನಡ ಚಾನೆಲ್‌ನಲ್ಲಿ ಪ್ರಸಾರವಾದ ಡ್ಯಾನ್ಸಿಂಗ್ ಸ್ಟಾರ್ 2 ನ ಫೈನಲ್‌ ಕಾರ್ಯಕ್ರಮ ಸೋಮವಾರ ಬಿಡದಿ ಹತ್ತಿರ ಇರುವ ಇನ್ನೋವೇಟಿವ್‌ ಫಿಲ್ಮ್ ಸಿಟಿಯಲ್ಲಿ ನಡೆಯಿತು. ರವಿಚಂದ್ರನ್‌, ಪ್ರಿಯಾಮಣಿ, ಮಯೂರಿ ಅವರ ಜಡ್ಜ್ ಮೆಂಟ್ ನಲ್ಲಿ ನಡೆದ ಈ ಕಾರ್ಯಕ್ರಮದ ಅಂತಿಮ ಸುತ್ತು ಸೋಮವಾರ ನಡೆದಿದ್ದು, ಆ ಕಾರ್ಯಕ್ರಮ ವೀಕ್ಷಿಸಲು ಅಪಾರ ಸಂಖ್ಯೆಯ ವೀಕ್ಷಕರು ಬಂದಿದ್ದರು.ಈ ಸಲದ ಡಾನ್ಸಿಂಗ್‌ ಸ್ಟಾರ್ ಪಟ್ಟವನ್ನೇರಿದ್ದು ಮಾಸ್ಟರ್ ಆನಂದ್.
ಡ್ಯಾನ್ಸಿಂಗ್ ಸ್ಟಾರ್ ಶೋ ಕಾನ್ಸೆಪ್ಟ್ ಬಿಬಿಸಿಯವರದು. ಸುಮಾರು ದೇಶಗಳಲ್ಲಿ ಈ ಕಾನ್ಸೆಪ್ಟ್ ಬಳಸಿಕೊಂಡು ಚಾನೆಲ್‌ಗ‌ಳು ಶೋ ನಡೆಸುತ್ತಿವೆ. ಬಿಬಿಸಿಯವರೆಲ್ಲಾ ಆ ಕಾರ್ಯಕ್ರಮಗಳು ಹೇಗೆ ನಡೆಯುತ್ತವೆ ಎಂಬುದನ್ನು ತಿಳಿಯಲು ಎಲ್ಲಾ ಕಡೆ ವಿಚಾರಿಸುತ್ತಿರುತ್ತಾರೆ. ಹಾಗಾಗಿ ಬಿಬಿಸಿಯವರು ಇಲ್ಲಿಗೂ ಬಂದು ಸರ್ವೇ ಮಾಡಿದ್ದರು. ಜನರು ಈ ಶೋನ ಇಷ್ಟಪಟ್ಟದ್ದು ನೋಡಿ ಖುಷಿಯಾಗಿ ಸರ್ಟಿಫಿಕೇಟ್‌ ಕೊಟ್ಟು ವಾಪಸ್‌ ಹೋಗಿದ್ದಾರೆ ಎಂದಿದ್ದಾರೆ ಕಲರ್ಸ್ ಕನ್ನಡ ವಾಹಿನಿಯ ಮುಖ್ಯಸ್ಥರಾದ ಪರಮೇಶ್ವರ್ ಗುಂಡ್ಕಲ್.
ಮುಂದಿನ ವರ್ಷ ಇದೇ ಸಮಯದಲ್ಲಿ ಡ್ಯಾನ್ಸಿಂಗ್ ಸ್ಟಾರ್ 3 ಶುರುವಾಗಬಹುದು ಎನ್ನುವ ಸದಾಶಯ ವ್ಯಕ್ತ ಪಡಿಸಿದ್ದಾರೆ ಪರಮೇಶ್ವರ್. ಇದರ ನಡುವೆ ಕನ್ನಡ ಬಿಗ್ ಬಾಸ್ ಮೂರನೇ ಅವತರಣಿಕೆ ಸಹ ನಡೆಯಲು ಸಿದ್ಧತೆ ಮಾಡಿಕೊಳ್ಳುತ್ತಿದೆ ಕಲರ್ಸ್ ಕನ್ನಡ. ಡ್ಯಾನ್ಸಿಂಗ್ ಸ್ಟಾರ್ 2ರ ಫೈನಲ್‌ ಇದೇ ತಿಂಗಳು 27 ಮತ್ತು 28ರಂದು ಪ್ರಸಾರವಾಗಲಿದೆ.
