ಕಾಮಿಡಿ ನೈಟ್ ವಿತ್ ಕಪಿಲ್ ಖ್ಯಾತಿ ಕಪಿಲ್ ಶರ್ಮಾ ವಿರುದ್ಧ ಮರಾಠಿ ನಟಿಯೊಂದಿಗೆ ಅಸಭ್ಯವಾಗಿ ವರ್ತಿಸಿದ್ದಾರೆ ಅನ್ನೋ ಆರೋಪ ಕೇಳಿ ಬಂದಿದೆ. ಕಪಿಲ್ ನನ್ನ ಜೊತೆ ಅಸಭ್ಯವಾಗಿ ವರ್ತಿಸಿದ್ದಾರೆ ಅಂತಾ ಮರಾಠಿ ನಟಿ ದೀಪಾಲಿ ಸೈಯದ್ ಆರೋಪಿಸಿದ್ದಾರೆ.
ಮೊನ್ನೆ ನಡೆದ ಅಂತರ್ ರಾಷ್ಟ್ರೀಯ ಮರಾಠಿ ಚಿತ್ರೋತ್ಸವ ಕಾರ್ಯಕ್ರಮದ ತಯಾರಿ ವೇಳೆ ಕಪಿಲ್ ಶರ್ಮಾ ನನ್ನ ಜೊತೆ ಕೆಟ್ಟದಾಗಿ ನಡೆದುಕೊಂಡ್ರು ಅಂತಾ ದೀಪಾಲಿ ಹೇಳಿದ್ದಾರೆ. ಆದರೆ ಇದಕ್ಕೆ ಪ್ರತಿಕ್ರಿಯಿಸಿರುವ ಕಪಿಲ್ ಶರ್ಮಾ ಈ ಸುದ್ದಿ ಎಲ್ಲಿಂದ ಹುಟ್ಟಿಕೊಂಡಿತು ಅಂತಾ ನನಗೆ ಗೊತ್ತಿಲ್ಲ. ಅಲ್ಲದೇ ನಾನು ಪ್ರಶಸ್ತಿ ವಿತರಣಾ ಸಮಾರಂಭದಲ್ಲಿ ಪಾಲ್ಗೊಂಡೇ ಇಲ್ಲ.ಆದ್ರೆ ಯಾರು ಈ ರೀತಿ ಸುದ್ದಿ ಮಾಡಿದ್ರೋ ಗೊತ್ತಿಲ್ಲ. ನನ್ನನ್ನು ತುಂಬಾ ಜನ ಇಷ್ಟಪಡುತ್ತಾರೆ. ಆದರೆ ಕೆಲವರು ಈ ರೀತಿ ಮಾಡುತ್ತಾರೆ. ಅದಕ್ಕೆ ಏನು ಮಾಡಕ್ಕಾಗಲ್ಲ ಅಂತಾ ಬೇಸರ ವ್ಯಕ್ತಪಡಿಸಿದ್ದಾರೆ.
ಇನ್ನು ಕಪಿಲ್ ಶರ್ಮಾ ವಿರುದ್ದ ದೀಪಾಲಿ ಮಾಡಿರುವ ಆರೋಪ ಸದ್ಯ ಅನೇಕ ಅನುಮಾನಗಳನ್ನು ಹುಟ್ಟಿ ಹಾಕಿಕೊಂಡಿದೆ. ಕಪಿಲ್ ನಾನು ಕಾರ್ಯಕ್ರಮಕ್ಕೆ ಹೋಗಿಲ್ಲ ಅಂತಾ ಹೇಳಿದ್ದಾರೆ. ಆದರೆ ದೀಪಾಲಿ ಮಾತ್ರ ಕಪಿಲ್ ವಿರುದ್ಧ ಬಹುದೊಡ್ಡ ಆರೋಪ ಮಾಡಿದ್ದು ಬಾಲಿವುಡ್ ಅಂಗಳದಲ್ಲಿ ಚರ್ಚೆಗೆ ಕಾರಣವಾಗಿದೆ.
