ಅವಕಾಶ ಬೇಕಾದರೆ ನಮ್ಮ ಜೊತೆ ಮಲಗು ಎಂದರಂತೆ..!

ಕನ್ನಡದ ಮಿಲನ ಚಿತ್ರದಲ್ಲಿ ತಮ್ಮ ಮನೋಜ್ಞ ಅಭಿನಯದ ಮೂಲಕ ಮನೆಮಾತಾದ ನಟಿ ಪಾರ್ವತಿ ತಮ್ಮ ವೃತ್ತಿ ಜೀವನದ ಕಹಿ ಅನುಭವಗಳನ್ನ ಬಿಚ್ಚಿಟ್ಟಿದ್ದಾರೆ. ಚಿತ್ರರಂಗದಲ್ಲಿ ಆಗಾಗ್ಗೆ ಸುದ್ದಿಯಾಗುವ ಕ್ಯಾಸ್ಟಿಂಗ್ ಕೌಚ್ ಅನುಭವ ತನಗೂ ಆಗಿತ್ತೆಂದು ಮಲೆಯಾಳಿ ನಟಿ ಪಾರ್ವತಿ ಹೇಳಿಕೊಂಡಿದ್ದಾರೆ.

ನಿನಗೆ ಸಿನಿಮಾಗಳ ಆಫರ್ ಬೇಕಾದರೆ ನಮ್ಮ ಜೊತೆ ಮಲಗು ಎಂದು ನಿರ್ದೆಶಕರು ಮತ್ತು ನಟರು ಕೇಳಿದ್ದರು. ಆದರೆ, ನಾನು ಅವರ ಮಾತಿಗೆ ಒಪ್ಪಲಿಲ್ಲ. ಆ ರೀತಿಯ ಚಾನ್ಸ್ ನನಗೆ ಬೇಕಿಲ್ಲ ಎಂದು ಪಾರ್ವತಿ ಧೈರ್ಯವಾಗಿ ಹೇಳಿಕೊಂಡಿದ್ದಾರೆ.
ಮಲೆಯಾಳಂನಲ್ಲಿ ಬಹುಬೇಡಿಕೆಯ ನಟಿಯಾಗಿರುವ ಪಾರ್ವತಿಯ ಈ ಹೇಳಿಕೆ ಚಿತ್ರರಂಗದಲ್ಲಿನ ಅವಕಾಶಕ್ಕಾಗಿ ಸೆಕ್ಸ್ ಸಂಸ್ಕೃತಿ ಇದೆ  ಎಂಬ ಆಪಾದನೆಗಳಿಗೆ ಪುಷ್ಠಿ ನೀಡಿದೆ.

ಪಾರ್ವತಿ ಹೇಳುವ ಪ್ರಕಾರ, ಆಕೆಗೆ ಈ ರೀತಿಯ ಕೆಟ್ಟ ಅನುಭವವಾಗಿರುವುದು ಮಾಲಿವುಡ್ ಚಿತ್ರರಂಗದಲ್ಲಿ. ಕನ್ನಡ, ಹಿಂದಿ ಇನ್ನಿತರೆ ಚಿತ್ರರಂಗದಲ್ಲಿ ನನಗೆ ಈ ರೀತಿಯ ಅನುಭವ ಆಗಿಲ್ಲ ಅಂತಾರೆ ಪಾರ್ವತಿ.