ಬಾಲಿವುಡ್ ನಲ್ಲಿ ನಿರ್ದೇಶಕ ಮಧುರ ಭಂಡಾರ್ಕರ್ ಅವರು ಒಂದು ಬಗೆಯ ವಿಶಿಷ್ಟ ಹಾಗೂ ವಿಭಿನ್ನವಾದ ನಿರ್ದೇಶಕರು. ಇವರು ನಿರ್ಮಿಸುವ ಚಿತ್ರಗಳು ಸಮಾಜದಲ್ಲಿ ಸಂಚಲನ ಉಂಟು ಮಾಡುವಂತಹದ್ದಾಗಿದೆ. ಪ್ರಸಕ್ತ ಪರಿಸ್ಥಿತಿ ಎದುರಿಸುತ್ತಿರುವ ಸಮಸ್ಯೆಗಳ ಬಗ್ಗೆ ಮಧುರ್ ಆದ್ಯತೆ ನೀಡುತ್ತಾರೆ. ಈ ಮೊದಲು ಮಧುರ್ ಚಾಂದಿನಿ ಬಾರ್, ಮಾಡೆಲಿಂಗ್ ಗರ್ಲ್ಸ್ ಬಗ್ಗೆ ಫ್ಯಾಶನ್, ನಾಯಕಿಗಳ ಜೀವನಾಧಾರಿತ ಕಥೆ ಹೀರೋಯಿನ್ ನಿರ್ಮಿಸಿ ಎಲ್ಲರ ಗಮನ ಸೆಳೆದಿದ್ದರು. ಈಗ ಮಧುರ್ ಗಮನ ಕ್ಯಾಲೆಂಡರ್ ಗರ್ಲ್ಸ್ ಕಡೆಗೆ ಹೊರಳಿದೆ.
ಈಗ ಫ್ಯಾಶನ್ ಗರ್ಲ್ಸ್ ಅವರ ಹಾಟ್ ಹಾಟ್ ಫೋಟೋಗಳನ್ನು ಶೂಟ್ ಮಾಡಿ ಕ್ಯಾಲೆಂಡರ್ ಮಾಡಿ ಅದನ್ನು ಮಾರಾಟ ಮಾಡುತ್ತಿದ್ದಾರೆ. ಅಂತಹ ಕ್ಯಾಲೆಂಡರ್ ಹುಡುಗಿಯರ ಬದುಕಲ್ಲಿ ಫ್ಯಾಶನ್ ಇದೆಯೇ? ಅವರು ಪಡುವ ಕಷ್ಟ ಕಾರ್ಪಣ್ಯಗಳು ಏನು. ಅದೇರೀತಿ ಈ ರೀತಿಯಲ್ಲಿ ಇಂತಹ ಫೋಟೋ ಶೂಟ್ ಗಳಿಂದ ದೊರಕುವ ಸಂಭಾವನೆ, ಹೆಸರು ಈ ಬಗ್ಗೆ ಆದ್ಯತೆ ನೀಡುವವರು. ಇಂತಹ ಎಲ್ಲ ಅಂಶಗಳ ಬಗ್ಗೆ ಈ ಚಿತ್ರದಲ್ಲಿ ತೋರಿಸಲಾಗುತ್ತದೆಯಂತೆ. ಈ ಚಿತ್ರದಲ್ಲಿ ಮುಖ್ಯವಾಗಿ ಐದು ಹುಡುಗಿಯರ ಬದುಕಲ್ಲಿ ಉಂಟಾಗುವ ಬದಲಾವಣೆ ತೋರಿಸಲಾಗುತ್ತದೆಯಂತೆ. ಈವರೆಗೂ ಯಾವುದೇ ಚಿತ್ರದಲ್ಲಿಯೂ ನಟಿಸದ ಸೆಕ್ಸಿ ಹಾಟ್ ಹುಡುಗಿಯರನ್ನು ಈ ಚಿತ್ರದಲ್ಲಿ ನಟಿಸಲು ಆಯ್ಕೆ ಮಾಡಿಕೊಳ್ಳುತ್ತಿದ್ದಾರಂತೆ ಮಧುರ್. ಇದು ಆಗಸ್ಟ್ ತಿಂಗಳಲ್ಲಿ ಬಿಡುಗಡೆ ಆಗುವ ಸಾಧ್ಯತೆ ಇದೆ.