ಸಾಮಾನ್ಯವಾಗಿ ಯಾವುದೇ ಕಲಾವಿದರಾಗಿರಲಿ ಅವರ ಅಭಿಮಾನಿಗಳು ಪ್ರೀತಿಯಿಂದ ಹೆಸರನ್ನು ನೀಡಿರುತ್ತಾರೆ. ಅದೆರೀತಿ ಬಾಲಿವುಡ್ ನಟಿ ಶ್ರೀದೇವಿ ಅವರಿಗೂ ಸಹಿತ ಅವರ ಅಭಿಮಾನಿಗಳು ಅತಿಲೋಕ ಸುಂದರಿ ಎನ್ನುವ ಹೆಸರನ್ನು ನೀಡಿದ್ದಾರೆ. ಈ ಅತಿಲೋಕ ಸುಂದರಿ ಈಗ ಪುಲಿ ಎನ್ನುವ ತಮಿಳು ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಅದರಲ್ಲಿ ನಮ್ಮ ಕನ್ನಡದ ಹೆಮ್ಮೆಯ ನಟ ಕಿಚ್ಚ ಸುದೀಪ್ ಅವರು ಮಹಾರಾಜನಾಗಿ ಅಭಿನಯಿಸುತ್ತಿದ್ದಾರೆ.
ಇದರ ಅನ್ವಯ ಈಗ ಈ ನಟ ಹಾಗೂ ಶ್ರೀದೇವಿ ನಡುವೆ ಲಿಪ್ ಲಾಕ್ ದೃಶ್ಯ ಇದೆ ಎನ್ನುವ ಸುದ್ದಿ ಹರಡಿದ್ದು, ಅದಕ್ಕೆಂದು ಆಕೆ 5 ಕೋಟಿ ರೂಪಾಯಿಗಳಷ್ಟು ಸಂಭಾವನೆ ಪಡೆದ ಬಗ್ಗೆ ನಾವು ತಿಳಿಸಿದ್ದೆವು. ಈ ಸಂಗತಿ ಭಾರತೀಯ ಚಿತ್ರ ಪ್ರೇಮಿಗಳ ಬಾಯಲ್ಲಿ ಹಾಟ್ ಹಾಟ್ ಸುದ್ದಿ ಆಗಿತ್ತು. ವಿಶೇಷ ಅಂದ್ರೆ ಈಗ ಹರಡಿರುವ ಸುದ್ದಿ ಸುಳ್ಳು ಎಂದಿದ್ದಾರೆ ಕಿಚ್ಚ ಸುದೀಪ್. ಶಿಂಬು ದೇವನ್ ಅವರ ನಿರ್ದೇಶನದಲ್ಲಿ ತಯಾರಾಗುತ್ತಿರುವ ಈ ಚಿತ್ರದಲ್ಲಿ ವಿಜಯ್, ಶ್ರುತಿ ಹಾಸನ್, ಹನ್ಸಿಕ ಮುಖ್ಯ ಪಾತ್ರಧಾರಿಗಳಾಗಿದ್ದಾರೆ.
ಮುತ್ತಿನ ಕಥೆಗೆ ಮತ್ತೆ ಬರುವುದಾದರೆ ಸುದೀಪ್ ಈ ವಿಷಯ ಅಲ್ಲಗಳೆದಿರುವುದಲ್ಲದೆ ಇಂತಹ ಸುದ್ದಿಗಳು ಹೇಗೆ ಹರಡುತ್ತದೆಯೋ ಗೊತ್ತಿಲ್ಲ,ನನಗೆ ಈ ಬಗ್ಗೆ ಯಾವುದೇ ಮಾಹಿತಿ ಇಲ್ಲ, ನನ್ನನ್ನು ಚಿತ್ರತಂಡ ಸಂಪರ್ಕಿಸಿಯೂ ಇಲ್ಲ ಎಂದಿದ್ದಾರೆ. ಒಟ್ಟಾರೆ ವದಂತಿಗಳಿಂದ ಜೀವಂತವಾಗಿದ್ದ ಒಂದು ಮುತ್ತಿನ ಕಥೆ ಹೀಗೆ ಸಮಾಪ್ತಿಯಾಯ್ತು.