ಬೆಂಗಳೂರು: ಬಹುನಿರೀಕ್ಷಿತ ಕೆಜಿಎಫ್ 2 ಚಿತ್ರದ ಟೀಸರ್ ಗಾಗಿ ಅಭಿಮಾನಿಗಳು ಕಾಯುತ್ತಿದ್ದಾರೆ. ಈ ಸಿನಿಮಾದ ಟೀಸರ್ ಜನವರಿ 8 ರಂದು ಹೊರಬರುತ್ತಿರುವುದು ಎಲ್ಲರಿಗೂ ಗೊತ್ತಿರುವ ವಿಚಾರವೇ.
ರಾಕಿಂಗ್ ಸ್ಟಾರ್ ಯಶ್ ಜನ್ಮದಿನಕ್ಕೆ ಟೀಸರ್ ಹೊರಬೀಳಲಿದೆ. ಅಂದು ಬೆಳಿಗ್ಗೆ 10.18 ಕ್ಕೆ ಟೀಸರ್ ಲಾಂಚ್ ಮಾಡಲು ಚಿತ್ರತಂಡ ನಿರ್ಧರಿಸಿದೆ. ಇನ್ನು, ರಾಕಿಂಗ್ ಅಭಿಮಾನಿಗಳು ಈಗಾಗಲೇ ತಮ್ಮ ಬಾಸ್ ಸಿನಿಮಾ ಟೀಸರ್ ಹಿಟ್ ಮಾಡಲು ಎಲ್ಲಾ ಸಿದ್ಧತೆ ನಡೆಸಿದ್ದಾರೆ. ಕೆಜಿಎಫ್ ಟೈಮ್ಸ್ ಎಂದು ಚಿತ್ರದ ಕುರಿತಾದ ಹೆಡ್ ಲೈನ್ಸ್ ಇರುವ ಪತ್ರಿಕೆಯ ವಿನ್ಯಾಸದಲ್ಲಿ ಟೀಸರ್ ಬಗ್ಗೆ ಮಾಹಿತಿ ನೀಡಿರುವುದು ವಿಶೇಷ. ಇನ್ನೂ ಐದು ದಿನಗಳಿರುವಾಗಲೇ ಸೋಷಿಯಲ್ ಮೀಡಿಯಾದಲ್ಲಿ ಕೆಜಿಎಫ್ 2 ಟೀಸರ್ ಟ್ರೆಂಡ್ ಆಗಿದೆ.