ಮೊನ್ನೆಯಷ್ಟೇ ಫಿತೂರ್ ಸಿನಿಮಾದ ಪ್ರಮೋಷನ್ ಗಾಗಿ ಸಿನಿಮಾದ ನಾಯಕ ಆದಿತ್ಯಾ ರಾಯ್ ಕಪೂರ್ ಹಾಗೂ ಕತ್ರೀನಾ ಕೈಫ್ ದೆಹಲಿಯ ಬೀದಿಗಳಲ್ಲಿ ಸುತ್ತಾಡಿದ್ರು. ಇದೀಗ ಕತ್ರೀನಾ ಸಿನಿಮಾದ ಯಶಸ್ಸಿಗಾಗಿ ಪ್ರಾರ್ಥಿಸಲು ಧಾರ್ಮಿಕ ಕ್ಷೇತ್ರಗಳಲ್ಲಿ ಭೇಟಿ ನೀಡುತ್ತಿದ್ದಾರೆ.
ಪ್ರತಿ ಬಾರಿಯ ಸಿನಿಮಾ ತಾರೆಯರು ತಮ್ಮ ಸಿನಿಮಾಗಳು ರಿಲೀಸ್ ಗೆ ರೆಡಿಯಾಗುತ್ತಿದ್ದಂತೆ ಅವರಿಷ್ಟದ ದೇಗುಲಕ್ಕೋ , ಇಲ್ಲಾ ಮಸೀದಿ, ಚರ್ಚ್ ಗಳಿಗೋ ಹೋಗೋದು ಮಾಮೂಲಿ. ಇದೀಗ ಕತ್ರೀನಾ ಕೈಫ್ ಅಭಿನಯದ ಫಿತೂರ್ ಸಿನಿಮಾ ರಿಲೀಸ್ ಗೆ ರೆಡಿಯಾಗಿದೆ. ಹಾಗಾಗಿ ಕ್ಯಾಟ್ ಕೂಡ ತಮ್ಮ ಸಿನಿಮಾಗೆ ಯಶಸ್ಸು ಸಿಗಲಿ ಅಂತಾ ದೇವರ ಮೊರೆ ಹೋಗಿದ್ದಾರೆ. ಮೊನ್ನೆ ಫತೇಪುರ್ ಸಿಕ್ರಿಗೆ ಭೇಟಿ ನೀಡಿದ ಕತ್ರೀನಾ ಕೈಫ್ ದೇವರ ಆರ್ಶೀವಾ ಪಡೆದ್ರು. ಅಲ್ಲದೇ ಸಿನಿಮಾದ ಯಶಸ್ಸಿಗಾಗಿ ವಿಶೇಷ ಪ್ರಾರ್ಥನೆ ಸಲ್ಲಿಸಿದ್ರು.
ಅಂದ್ಹಾಗೆ ಕತ್ರೀನಾ ಕೈಫ್ ಫತೇಪುರ್ ಸಿಕ್ರಿಗೆ ಭೇಟಿ ನೀಡ್ತಿರೋದು ಇದೇ ಮೊದಲಲ್ಲ. ಈ ಹಿಂದೆ ಐದದು ಬಾರಿ ಕತ್ರೀನಾ ತಮ್ಮ ಬೇರೆ ಬೇರೆ ಸಿನಿಮಾಗಳು ರಿಲೀಸ್ ಗೆ ರೆಡಿಯಾದಾಗ ಇಲ್ಲಿಗೆ ಭೇಟಿ ನೀಡಿ ಆಶೀರ್ವಾದ ಪಡೆದಿದ್ದಾರೆ. ಕತ್ರೀನಾ ಹಾಗೂ ಆದಿತ್ಯಾ ರಾಯ್ ಕಪೂರ್ ಅಭಿನಯದ ಫಿತೂರ್ ಸಿನಿಮಾ ಇದೇ ತಿಂಗಳ 12 ರಂದು ವಿಶ್ವದಾದ್ಯಂತ ರಿಲೀಸ್ ಆಗ್ತಿದೆ.
