ಹಿಂದಿ ಭಾಷೆ ಡಯಾಪರ್ ನಲ್ಲಿರುವ ಪುಟ್ಟ ಮಗುವಿನಂತೆ ಎಂದ ಕಮಲ್ ಹಾಸನ್

ಚೆನ್ನೈ: ಹಿಂದಿ ಹೇರಿಕೆ ವಿರೋಧಿಸಿ ಮಾತನಾಡಿರುವ ಬಹುಭಾಷಾ ತಾರೆ ಕಮಲ್ ಹಾಸನ್ ಈ ಭಾಷೆ ಇನ್ನೂ ಡಯಾಪರ್ ಕಟ್ಟಿಕೊಂಡಿರುವ ಚಿಕ್ಕ ಮಗುವಿನಂತೆ ಎಂದಿದ್ದಾರೆ.

ಇತ್ತೀಚೆಗೆ ಕೇಂದ್ರ ಗೃಹ ಸಚಿವ ಅಮಿತ್ ಶಾ ಹಿಂದಿ ಭಾಷೆ ಸರ್ವವ್ಯಾಪಿಯಾಗಬೇಕು ಎಂದಿದ್ದರು. ಆ ಹೇಳಿಕೆ ಹಲವು ವಾದ-ಪ್ರತಿವಾದಗಳಿಗೆ ಕಾರಣವಾಗಿತ್ತು.

ಈ ಬಗ್ಗೆ ಪ್ರತಿಕ್ರಿಯಿಸಿರುವ ಕಮಲ್ ಹಾಸನ್ ‘ತಮಿಳು, ತೆಲುಗು, ಸಂಸ್ಕೃತ ಇತ್ಯಾದಿ ಭಾಷೆಗಳಿಗೆ ಹೋಲಿಸಿದರೆ ಹಿಂದಿ ಇನ್ನೂ ಡಯಾಪರ್ ನಲ್ಲಿರುವ ಚಿಕ್ಕಮಗುವಿನಂತೆ. ಅದು ಬೆಳೆಯಬೇಕು ನಿಜ. ಆದರೆ ಅದನ್ನು ಯಾರ ಮೇಲೂ ಬಲವಂತವಾಗಿ ಹೇರಬಾರದು’ ಎಂದು ಕಮಲ್ ಹಾಸನ್ ಅಭಿಪ್ರಾಯಪಟ್ಟಿದ್ದಾರೆ.