ಬೆಂಗಳೂರು: ನವರಸ ನಾಯಕ ಜಗ್ಗೇಶ್ ನೀರ್ ದೋಸೆ ಯಶಸ್ಸಿನ ಖುಷಿಯಲ್ಲಿ ಮತ್ತೊಂದು ಸಿನಿಮಾ ಮಾಡುತ್ತಿದ್ದಾರೆ. ಅದರ ಹೆಸರು “ಮೇಲ್ಕೋಟೆ ಮಂಜ”.
ಹೆಸರಿನಿಂದಲೇ ಗೊತ್ತಾಗುತ್ತದೆ ಇದು ಟಿಪಿಕಲ್ ಜಗ್ಗೇಶ್ ಚಿತ್ರ ಎಂದು. ವಿಶೇಷ ಎಂದರೆ ಈ ಚಿತ್ರದ ಕತೆ, ಸಂಭಾಷಣೆ, ನಿರ್ದೇಶನ ಎಲ್ಲವೂ ಜಗ್ಗೇಶ್ ಅವರದ್ದೇ. ಜಗ್ಗೇಶ್ ಅಭಿಮಾನಿ ಆರ್. ಕೃಷ್ಣ ಚಿತ್ರದ ನಿರ್ಮಾಪಕರು.
ಇದರ ಪೋಸ್ಟರ್ ನ್ನು ಜಗ್ಗೇಶ್ ತಮ್ಮ ಟ್ವಿಟರ್ ನಲ್ಲಿ ಹರಿಯಬಿಟ್ಟಿದ್ದಾರೆ. ಜತೆಗೆ ಜಗ್ಗೇಶ್ ಶೈಲಿಯಲ್ಲಿ ನೀರ್ ದೋಸೆಗೆ ಸೈಡ್ ಬಿಟ್ಟು, ಕಾದ ಮಂಜ.. ನಗಿಸಲು ಮೈ ಚಳಿ ಬಿಟ್ಟು ನಗಿಸಲು ಕೆಲವೇ ದಿನಗಳಲ್ಲಿ ನಿಮ್ಮ ಮುಂದೆ ಬರುತ್ತಿದ್ದಾನೆ ಎಂದು ಸಂದೇಶವನ್ನೂ ಕೊಟ್ಟಿದ್ದಾರೆ.
ಅಷ್ಟಕ್ಕೂ ಈ ಚಿತ್ರ ನೀರ್ ದೋಸೆಗಿಂತ ಮೊದಲೇ ಬಿಡುಗಡೆಯಾಗಬೇಕಿತ್ತಂತೆ. ಆದರೆ ನೀರ್ ದೋಸೆ ನಿರ್ಮಾಪಕರು ಕಷ್ಟದಲ್ಲಿದ್ದಾರೆಂದು ಜಗ್ಗೇಶ್ ಮನವಿ ಮಾಡಿದ್ದಕ್ಕೆ ಮಂಜ ನಿರ್ದೇಶಕರು ಒಪ್ಪಿಕೊಂಡು ಈಗ ಬಿಡುಗಡೆ ಮಾಡುತ್ತಿದ್ದಾರೆ. ಅಲ್ಲಿಗೆ ಜಗ್ಗೇಶ್ ಮತ್ತೊಂದು ಚಿತ್ರ ನವಂಬರ್ ನಲ್ಲಿ ತೆರೆಗೆ ಬರಲು ರೆಡಿ ಎಂದಾಯ್ತು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ