ಒಬ್ಬ ವ್ಯಕ್ತಿ ತನ್ನ ಬಗ್ಗೆ ತಾನು ತಿಳಿಯಲು ಹಲವಾರು ಸಂಗತಿಗಳು ಕಾರಣವಾಗುತ್ತದೆ. ಹಾಗೇ ಆಗಿದೆ ಕನ್ನಡ ಕಿರಿ ಹಾಗೂ ಹಿರಿತೆರೆಯ ನಟ ಜೆ ಕಾರ್ತಿಕ್ ಅವರ ವಿಷಯದಲ್ಲೂ ಸಹಿತ. ವರದನಾಯಕ, ಈಗ ,ಕೆಂಪೇಗೌಡ ಸೇರಿದಂತೆ ಹಲವಾರು ಸಿನಿಮಾಗಳಲ್ಲಿ ನಟಿಸಿರುವ ಜಯರಾಂ ಕಾರ್ತಿಕ್ ಅವರನ್ನು ಪ್ರೀತಿಯಿಂದ ಕರೆಯುವುದು ಜೆಕೆ. ಅವರ ಅಶ್ವಿನಿ ನಕ್ಷತ್ರ ಎನ್ನುವ ಹೆಸರಿನ ಧಾರವಾಹಿಯಲ್ಲಿ ಸಹಿತ ಹೆಸರು ಗಳಿಸಿದ್ದು ಎಲ್ಲರಿಗೂ ಗೊತ್ತೇ ಇದೆ. ಅಶ್ವಿನಿ ನಕ್ಷತ್ರ ಧಾರಾವಾಹಿಯ ಚಿತ್ರೀಕರಣದ ಸಮಯದಲ್ಲೇ ಅವರಿಗೆ ಒಳ್ಳೊಳ್ಳೆ ಸಿನಿಮಾಗಳಲ್ಲಿ ನಟಿಸುವ ಅವಕಾಶ ಸಿಕ್ಕಿದ್ದು ಅವರ ಪ್ರತಿಭೆಗೆ ದೊರತ ಗೌರವವಾಗಿದೆ ಎಂದೇ ಹೇಳಬಹುದಾಗಿದೆ.
ಅಂತಹ ಜೆಕೆ ಇದ್ದಕ್ಕಿದ್ದ ಹಾಗೆ ತಾವು ವಿದೇಶವಾಸಿ ಆಗುತ್ತಾರೆ ಎಂದು ಸುದ್ದಿ ಹರಡಿದರೆ ಅವರ ಅಭಿಮಾನಿಗಳ ಕಥೆ ಏನಾಗ ಬೇಡ ? ಹಾಗೆ ಆಯ್ತು, ಏಕೆಂದರೆ ಜೆಕೆ ಅವರು ಇತ್ತೀಚಿಗೆ ಫೇಸ್ ಬುಕ್ ನಲ್ಲಿ ಫೋಟೋ ಒಂದನ್ನು ಹಾಕಿ ಇಲ್ಲಿಗೆ ಮುಕ್ತಾಯವಾಯಿತು ಎಂದು ಹೇಳಿದರು. ಅದನ್ನು ನೋಡಿದ ಅಭಿಮಾನಿಗಳು ಅವರ ತಾರ ಬದುಕು ಇಲ್ಲಿಗೆ ಮುಕ್ತಯವಾಯ್ತು, ಅವರು ವಿದೇಶಕ್ಕೆ ಹೋಗಿ ನೆಲೆಸುತ್ತಾರೆ ಎಂದು ಭಾವಿಸಿದರು. ತಮ್ಮ ನೆಚ್ಚಿನ ನಟ ವಿದೇಶವಾಸಿ ಆಗುವುದು ಬೇಡವೆಂದು ಅವರ ಮನೆಯ ಮುಂದೆ ಹೋಗಿ ಹಾಗೆ ಮಾಡದಿರಿ ಎನ್ನುವ ಕಳಕಳಿಯಿಂದ ಕೇಳಿದರು.ಇದನ್ನು ಕಂಡಾಗ ಭಾವಕರಾಗುವ ಸ್ಥಿತಿ ಜೆಕೆ ಅವರದ್ದು. ತಾವು ಹಾಕಿದ ಚಿತ್ರವನ್ನು ತಪ್ಪಾಗಿ ಅರ್ಥೈಸಿದ್ದು ತಿಳಿದ ಅವರು ತಾವು ಎಲ್ಲಿಗೋ ಹೋಗಲ್ಲ ಇಲ್ಲೇ ಇರುತ್ತೇನೆ ಎಂದು ಭಾವುಕರಾಗಿ ಹೇಳಿದ್ದಾರೆ. ಈಗ ಅವರ ದ್ವಿಭಾಷ ಚಿತ್ರ ಚಂದ್ರಿಕಾ ಹಾಡುಗಳು ಬಿಡುಗಡೆ ಆಗಿದೆ. ಜೆಕೆ ಜೊತೆ ಕಾಮನಾ ಜೇಟ್ಮಲಾನಿ ಮತ್ತು ಶ್ರೀಮುಖಿ ನಟಿಸಿದ್ದಾರೆ.
