ಕಷ್ಟಪಟ್ಟು ಅಭಿನಯಿಸಿರುತ್ತೇವೆ ಆದ್ದರಿಂದ ನಾವು ಪ್ರಶಸ್ತಿಗಳನ್ನು ಬಯಸುತ್ತೇವೆ ಎಂದು ಅನೇಕ ಕಲಾವಿದರು ಹೇಳುತ್ತಿರುತ್ತಾರೆ. ಆ ಸಾಲಿಗೆ ಗುಳಿಗಲ್ಲದ ಚೆಲುವೆ ದೀಪಿಕ ಪಡುಕೋಣೆ ಸಹ ಸೇರ್ಪಡೆ ಆಗಿದ್ದಾಳೆ.
ಆಕೆಗೆ ಚಿತ್ರದ ಯಶಸ್ಸಷ್ಟೇ ಮುಖ್ಯ ಪ್ರಶಸ್ತಿಗಳನ್ನು ಪಡೆಯುವುದು ಸಹ ಆಗಿದೆ. ಕಲಾವಿದರಿಗೆ ಪ್ರಶಸ್ತಿ ಅಗತ್ಯ ಇದ್ದೆ ಇದೆ ಎನ್ನುವ ಮಾತನ್ನು ಆಕೆ ಸದಾ ಹೇಳುತ್ತಿರುತ್ತಾಳೆ. ಅದಕ್ಕೆ ಕಾರಣ ಅದು ಅವರ ಬದುಕಲ್ಲಿ ಉತ್ಸಾಹ ನೀಡುತ್ತದೆ ಎನ್ನುವ ವಾದ ಆಕೆಯದ್ದಾಗಿದೆ.
ಆ ಪ್ರಶಸ್ತಿ ಕೇವಲ ಉತ್ಸಾಹ ಮಾತ್ರವಲ್ಲ ಮತ್ತಷ್ಟು ಹೊಸತನ ನೀಡುವ ಟಾನಿಕ್ ನಂತೆ ಕಾರ್ಯ ನಿರ್ವಹಿಸುತ್ತದೆ. ಆ ರೀತಿ ಪ್ರಶಸ್ತಿ ನೀಡುವುದು ಕಲಾವಿದರಿಗೆ ಕೊಡಮಾಡುವ ಮೆಚ್ಚುಗೆ ಎನ್ನುವ ಮಾತನ್ನು ಹೇಳಿದ್ದಾಳೆ ಈ ಭಾಮೆ.
ಕಳೆದ ವರ್ಷ ಈಕೆಯ ನಟನೆಯ ಚೆನ್ನೈ ಎಕ್ಸ್ ಪ್ರೆಸ್ ಮತ್ತು ಗಲಿಯೊಂಕಿ ರಾಸಲೀಲ ರಾಮ್ ಲೀಲಾ ಚಿತ್ರಗಳು ಅಪಾರವಾದ ಪ್ರಶಸ್ತಿಗಳನ್ನು ಬಾಚಿಕೊಂಡಿತ್ತು. ಅಕಸ್ಮಾತ್ ಕಳೆದ ವರ್ಷ ತನಗೆ ಪ್ರಶಸ್ತಿಗಳು ಸಿಗದೇ ಹೋಗಿದ್ದಿದ್ದಿದ್ದರೆ ಖಂಡಿತ ಬೇಸರ ಆಗುತ್ತಿತ್ತು ಎನ್ನುವ ಮಾತನ್ನು ಈ ಸಮಯದಲ್ಲಿ ಹೇಳಿದ್ದಾಳೆ
ಈ ಚೆಲುವೆ. ಅಭಿನಯಿಸಿದಾಗ ಸಿಗುವ ಮೆಚ್ಚುಗೆ , ಬಳಿಕ ಪ್ರಶಸ್ತಿ ದೊರೆತಾಗ ಆಗುವ ಆನಂದ ಎಲ್ಲವೂ ಭಿನ್ನ ಎನ್ನುವ ಮಾತನ್ನು ಈ ಸಮಯದಲ್ಲಿ ಹೇಳಿದ್ದಾಳೆ. ಆಕೆಯ ನಟನೆಯ ಹ್ಯಾಪಿ ನ್ಯೂ ಇಯರ್ ಚಿತ್ರ ಇತ್ತೀಚಿಗೆ ಬಿಡುಗಡೆ ಆಗಿದ್ದು, ಬಾಕ್ಸಾಫೀಸನ್ನು ಅಲುಗಾಡಿಸಿದೆ ತನ್ನ ಗಳಿಕೆಯಿಂದ!