ಯಶ್ ಊಟದ ವಿಚಾರದಲ್ಲಿ ಪತ್ನಿ ರಾಧಿಕಾ ಹೇಗೆ ಕೇರ್ ಮಾಡ್ತಾರೆ ಗೊತ್ತಾ?

ಬೆಂಗಳೂರು: ರಾಕಿಂಗ್ ಸ್ಟಾರ್ ಯಶ್ ಗೆ ಇಂದು ಜನ್ಮದಿನದ ಸಂಭ್ರಮ. ಕೆಜಿಎಫ್ ಸಿನಿಮಾ ಮೂಲಕ ನ್ಯಾಷನಲ್ ಸ್ಟಾರ್ ಆದ ಯಶ್ ಅದನ್ನು ಉಳಿಸಿಕೊಳ್ಳಲು ತಮ್ಮ ಫಿಟ್ನೆಸ್ ಬಗ್ಗೆ ವಿಶೇಷ ಕಾಳಜಿ ವಹಿಸುತ್ತಾರೆ.

ಯಶ್ ತಮ್ಮ ಸದೃಢ ಮೈಕಟ್ಟು, ಸ್ಪುರದ್ರೂಪಿ ಲುಕ್ ನಿಂದ ಎಷ್ಟೋ ಹುಡುಗಿಯರ ಡ್ರೀಮ್ ಬಾಯ್ ಆಗಿದ್ದಾರೆ. ಅವರ ಮೈಕಟ್ಟಿಗೆ ಕಾರಣ ಕಟ್ಟುನಿಟ್ಟಿನ ಆಹಾರ ಮತ್ತು ವರ್ಕೌಟ್.

ಮದುವೆಯಾದಾಗಿನಿಂದ ಯಶ್ ಊಟದ ವಿಚಾರದಲ್ಲಿ ರಾಧಿಕಾ ವಿಶೇಷ ಕೇರ್ ತೆಗೆದುಕೊಳ್ಳುತ್ತಿದ್ದಾರಂತೆ. ಯಶ್ ಶೂಟಿಂಗ್ ನಲ್ಲಿದ್ದರೆ ಮನೆಯಿಂದಲೇ ಅವರಿಗೆ ರಾಧಿಕಾ ವಿಶೇಷವಾಗಿಯೇ ಡಯಟ್ ಫುಡ್ ನ ಬುತ್ತಿ ಕಳುಹಿಸಿಕೊಡುತ್ತಾರೆ ಎನ್ನಲಾಗಿದೆ.

ಅಷ್ಟೇ ಅಲ್ಲ, ಕೆಜಿಎಫ್ ಸಿನಿಮಾ ಬಳಿಕ ಯಶ್ ಮೈಕಟ್ಟಿನ ಬಗ್ಗೆಯೂ ಎಚ್ಚರ ವಹಿಸುತ್ತಿದ್ದಾರೆ. ಇದಕ್ಕೆ ದಿನನಿತ್ಯ ಕನಿಷ್ಠ ಎರಡು ಗಂಟೆಯಾದರೂ ಜಿಮ್ ಮಾಡುತ್ತಾರೆ. ಅಲ್ಲದೆ, ಉಪಾಹಾರಕ್ಕೆ ಕಾರ್ಬೋಹೈಡ್ರೇಟ್ಸ್ ಅಧಿಕವಿರುವ ಆಹಾರ ಸೇವಿಸುತ್ತಾರೆ. ಮೊಟ್ಟೆ, ಬ್ರೌನ್ ಬ್ರೆಡ್, ತರಕಾರಿ ಸಲಾಡ್ ಅಥವಾ ಪಪ್ಪಾಯ ಇಲ್ಲವೇ ಕಲ್ಲಂಗಡಿ ಹಣ್ಣನ್ನು ಸೇವಿಸುತ್ತಾರೆ. ಆಹಾರದಲ್ಲಿ ಹೆಚ್ಚು ಪ್ರೊಟೀನ್ ಇರುವಂತೆ ನೋಡಿಕೊಳ್ಳುತ್ತಾರೆ. ಸಂಜೆ ಹೊತ್ತು ಭಾರೀ ವರ್ಕೌಟ್ ಮಾಡುತ್ತಾರೆ.