ಗೋಲ್ಡನ್ ಸ್ಟಾರ್ ಆಗಲಿದ್ದಾರೆ ಡಾಕ್ಟರ್ ಗಣೇಶ್

ಗೋಲ್ಡನ್ ಸ್ಟಾರ್ ಗಣೇಶ್‌ಗೆ ಡಾಕ್ಟರೇಟ್ ಬಂದ ಅಂದ್ಕೋಬೇಡಿ. ಅವರಿಗೆ ಯಾವುದೇ ಯೂನಿವರ್ಸಿಟಿ ಇನ್ನೂ ಗೌರವ ಡಾಕ್ಟರೇಟ್ ಕೊಟ್ಟಿಲ್ಲ. ಆದರೆ ಸಿಂಪಲ್ ಸುನಿ ಮಾತ್ರ ತಮ್ಮ ಚಮಕ್ ಚಿತ್ರದಲ್ಲಿ ಗಣೇಶ್‌ರನ್ನು ಡಾಕ್ಟರ್ ಮಾಡುತ್ತಿದ್ದಾರೆ. 

ಹೌದು ಸಿಂಪಲ್ ಸುನಿ ಮತ್ತು ಗಣೇಶ್ ಕಾಂಬಿನೇಷನಲ್ಲಿ ಬರುತ್ತಿರುವ ಚಿತ್ರ ಚಮಕ್. ಹೆಸರೇ ಹೇಳುವಂತೆ ಇದೊಂದು ಕಾಮಿಡಿ ರೊಮ್ಯಾಂಟಿಕ್ ಸಿನಿಮಾ. ಸುನಿ ನಿರ್ದೇಶನ ಅಂದ ಮೇಲೆ ಒಂದಷ್ಟು ಡಬಲ್ ಮೀನಿಂಗ್ ನಿರೀಕ್ಷಿಸಬಹುದು. ರೋಮ್ಯಾಂಟಿಕ್ ಕಾಮಿಡಿಗೆ ಹೇಳಿ ಮಾಡಿಸಿದಂತಿರುವ ಗಣೇಶ್‌ರ ಈ ಚಿತ್ರವನ್ನು ಸಿನಿ ಅಭಿಮಾನಿಗಳು ನಿರೀಕ್ಷಿಸುವಂತಾಗಿದೆ.

ಸದ್ಯಕ್ಕೆ ಸಿಂಪಲ್ ಸುನಿ ಆಪರೇಷನ್ ಅಲಮೇಲಮ್ಮ ಚಿತ್ರದಲ್ಲಿ ಬ್ಯುಸಿಯಾಗಿದ್ದಾರೆ. ಅದಾದ ಬಳಿಕ ಚಮಕ್‍ಗೆ ಕೈಹಾಕಲಿದ್ದಾರೆ. ಇನ್ನೊಂದು ಕಡೆ ಗಣೇಶ್, ಭಟ್ರ ಜೊತೆ ಸೇರಿಕೊಂಡು ಮುಗುಳ್ನಗುತ್ತಿದ್ದಾರೆ. ಅವರ ಸುಂದರಾಂಗ ಜಾಣ ತೆರೆಗೆ ಬರಲು ಸಿದ್ದವಾಗಿದೆ. ಅದಾದ ಮೇಲೆ ಥಿಯೇಟರ್‌ನಲ್ಲಿ ’ಪಟಾಕಿ’ ಸೌಂಡ್. ಆಮೇಲೆ ’ಚಮಕ್’ ಕೊಡಲಿದ್ದಾರೆ. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.