ಈ ಹುಡುಗಿಯ ಜತೆ ಬರಲಿದ್ದಾರೆ ಗೋಲ್ಡನ್ ಸ್ಟಾರ್ ಗಣೇಶ್

ಬೆಂಗಳೂರು: ಯೋಗರಾಜ್ ಭಟ್ ಜತೆ ಗೋಲ್ಡನ್ ಸ್ಟಾರ್ ಅಭಿನಯದ ಮುಗುಳು ನಗೆ ಸೆಟ್ಟೇರಿದೆ. ಅಂದ ಹಾಗೆ ಗಣೇಶ್ ಜತೆ ಈ ಚಿತ್ರದಲ್ಲಿ ಮುಗುಳು ನಗೆ ಮೂಡಿಸಲು ಬರುತ್ತಿರುವವರು ಅಮೂಲ್ಯ.

ಈಗಾಗಲೇ ಮೂರು ಚಿತ್ರಗಳಲ್ಲಿ ಜೋಡಿಯಾಗಿ ನಟಿಸಿ ಯಶಸ್ವಿ ಕಾಂಬಿನೇಷನ್ ಎನಿಸಿಕೊಂಡಿರುವ ಗಣೇಶ್-ಅಮೂಲ್ಯ ಜೋಡಿ ಇದೀಗ ನಾಲ್ಕನೇ ಚಿತ್ರಕ್ಕೆ ಜತೆಯಾಗಲಿದೆ. ಉಳಿದಂತೆ ಕ್ರೇಜಿಬಾಯ್ ಚಿತ್ರದ ನಾಯಕಿ ಆಶಿಕಾ ಹಾಗೂ ಮಡಮಕ್ಕಿ ಚಿತ್ರದ ನಿಖಿತಾ ಕೂಡಾ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಇನ್ನು ಯೋಗರಾಜ್ ಭಟ್ ಮೆಚ್ಚಿನ ಕಲಾವಿದ ಅನಂತ್ ನಾಗ್ ಇದ್ದೇ ಇರುತ್ತಾರೆ. ಈಗಾಗಲೇ ಚಿತ್ರೀಕರಣ ಪ್ರಾರಂಭವಾಗಿದೆ. ಎಲ್ಲಾ ಯಶಸ್ವಿ ಜೋಡಿಗಳ ಸಿನಿಮಾ ಇದಾಗಿರುವುದರಿಂದ ಇದರಲ್ಲೂ ಹಿಂದಿನ ಸಿನಿಮಾದ ಯಶಸ್ಸು ಸಿಗಬಹುದು ಎಂಬ ನಿರೀಕ್ಷೆ ಎಲ್ಲರದು.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ