ಬೆಂಗಳೂರು: ದೂದ್ ಪೇಡ ದಿಗಂತ್, ಐಂದ್ರಿತಾ ರೀಲ್ ಲೈಫ್ ನಲ್ಲೂ ಒಳ್ಳೆ ಜೋಡಿ. ಇವರಿಬ್ಬರು ಒಟ್ಟಾಗಿ ನಟಿಸಿದ ಸಿನಿಮಾಗಳೆಲ್ಲಾ ಹಿಟ್ ಆಗಿವೆ. ಇದೀಗ ಮದುವೆ ಬಳಿಕ ಮತ್ತೆ ಈ ಜೋಡಿ ಒಂದಾಗಿ ತೆರೆ ಮೇಲೆ ಕಾಣಿಸಿಕೊಳ್ಳಲಿದ್ದಾರೆ.
ದಿಗಂತ್ ‘ಕ್ಷಮಿಸಿ ನಿಮ್ಮ ಖಾತೆಯಲ್ಲಿ ಹಣವಿಲ್ಲ’ ಎಂಬ ಟೈಟಲ್ ನೊಂದಿಗೆ ಸಿನಿಮಾ ಮಾಡುತ್ತಿದ್ದಾರೆ. ಈ ಸಿನಿಮಾದಲ್ಲಿ ದಿಗಂತ್ ಗೆ ನಾಯಕಿಯಾಗಿ ಐಂದ್ರಿತಾ ಅಭಿನಯಿಸಲಿರುವುದು ಪಕ್ಕಾ ಆಗಿದೆ. ಸಾಮಾಜಿಕ ಜಾಲತಾಣದಲ್ಲಿ ನಾವಿಬ್ಬರೂ ಮತ್ತೆ ಜತೆಯಾಗುತ್ತಿದ್ದೇವೆ ಎಂದು ಐಂದ್ರಿತಾ ಬರೆದುಕೊಂಡಿದ್ದಾರೆ. ವಿನಾಯಕ್ ಕೊಡಸಾರ ನಿರ್ದೇಶನದ ಈ ಸಿನಿಮಾ ನೈಜ ಘಟನೆಯಾಧಾರಿತ ಕತೆ ಎನ್ನಲಾಗಿದೆ.