ಬೆಂಗಳೂರು: ಸ್ಯಾಂಡಲ್ ವುಡ್ ನಟ ಧ್ರುವ ಸರ್ಜಾ ಚಲಿಸುತ್ತಿದ್ದ ಕಾರು ಅಪಘಾತಕ್ಕೀಡಾಗಿ ಧ್ರುವ ಕೂದಲೆಳೆಯಲ್ಲಿ ಗಂಭೀರ ಅಪಾಯದಿಂದ ಪಾರಾಗಿದ್ದರು.
ಈ ಬಗ್ಗೆ ಟ್ವೀಟ್ ಮಾಡಿರುವ ಕಿಚ್ಚ ಸುದೀಪ್ ಧ್ರುವ ಸರ್ಜಾ ಕಾರಿನ ಕುರಿತಾಗಿ ಹೊಸ ವಿಚಾರ ಹೊರ ಹಾಕಿದ್ದಾರೆ. ಸದ್ಯಕ್ಕೆ ಪೊಲ್ಯಾಂಡ್ ನಲ್ಲಿ ಶೂಟಿಂಗ್ ಗೆ ತೆರಳಿರುವ ಕಿಚ್ಚ ಅಲ್ಲಿಂದಲೇ ಧ್ರುವ ಕ್ಷೇಮವಾಗಿದ್ದಾರೆ ಎಂದು ತಿಳಿದು ನೆಮ್ಮದಿಯಾಯಿತು ಎಂದು ಟ್ವೀಟ್ ಮಾಡಿದ್ದಾರೆ.
ಜತೆಗೆ ಈ ಕಾರು ನಿನ್ನ ಫೇವರಿಟ್ ಕಾರು ಅಂತ ತಿಳಿಯಿತು. ಅದಕ್ಕೇ ನೀನು ಬಚಾವ್ ಆದೆ ಎಂದಿದ್ದಾರೆ. ಆ ಮೂಲಕ ಅದೃಷ್ಟದ ಕಾರಿನಿಂದಲೇ ಧ್ರುವ ಬಚಾವ್ ಆದರು ಎಂದಿದ್ದಾರೆ. ಜತೆಗೆ ನನ್ನ ಹಾರೈಕೆ ಯಾವತ್ತೂ ನಿನ್ನ ಜತೆಗಿರುತ್ತದೆ ಎಂದಿದ್ದಾರೆ.