ಬಾಹುಬಲಿ ಕಾಲಕೇಯನ ಜತೆ ಫೈಟಿಂಗ್ ಮಾಡಿದ ನಟ ದರ್ಶನ್

ಬೆಂಗಳೂರು: ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಬಾಹುಬಲಿ ಸಿನಿಮಾ ಖ್ಯಾತಿಯ ಕಾಲಕೇಯನ ಜತೆ ಫೈಟಿಂಗ್ ಸೀನ್ ಶೂಟಿಂಗ್ ಮಾಡ್ತಾರೆ ಎಂಬುದು ಎಲ್ಲೆಡೆ ಸುದ್ದಿಯಾಗಿತ್ತು. ಅದೀಗ ಕೊನೆಗೊಂಡಿದೆ.

ತರುಣ್ ಸುಧೀರ್ ನಿರ್ದೇಶನದ ಚೌಕ್ ಸಿನಿಮಾಕ್ಕಾಗಿ ದರ್ಶನ್ ಕಾಲಕೇಯನ ಜತೆ ಫೈಟ್ ಮಾಡಿದ್ದಾರೆ. ಈ ಸಾಹಸ ದೃಶ್ಯವನ್ನು 50 ಕ್ಯಾಮರಾಗಳಲ್ಲಿ ಸೆರೆ ಹಿಡಿಯಲಾಗಿದೆ. ಹಾಲಿವುಡ್ ಮತ್ತು ಬಾಲಿವುಡ್ ಮಾದರಿಯ ತಾಂತ್ರಿಕತೆ ಬಳಸಿ ಅದ್ಭುತವಾಗಿ ಇದನ್ನು ನಿರ್ದೇಶಕರು ಸೆರೆ ಹಿಡಿದಿದ್ದಾರೆ.

ವಿದೇಶೀ ಟೆಕ್ನಿಕ್ ಬಳಸಿ ಮಾಡಿದ ಈ ಸಾಹಸ ದೃಶ್ಯವೇ ಇಡೀ ಚಿತ್ರದ ಹೈಲೈಟ್ ಆಗಲಿದೆ ಎಂಬುದು ನಿರ್ದೇಶಕರ ಲೆಕ್ಕಾಚಾರ. ಈ ಚಿತ್ರದಲ್ಲಿ ನಾಲ್ವರು ಹೀರೋಗಳು, ಐವರು ಸಂಗೀತ ನಿರ್ದೇಶಕರು ಕೆಲಸ ಮಾಡುತ್ತಿದ್ದಾರೆ ಎಂಬುದು ವಿಶೇಷ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ