ಕೆಜಿಎಫ್ ಜೊತೆ ಸ್ಪರ್ಧೆಗಿಳಿದು ತಪ್ಪು ಮಾಡಿದರಾ ಬೀಸ್ಟ್ ನಿರ್ಮಾಪಕರು?

ಚೆನ್ನೈ: ದಳಪತಿ ವಿಜಯ್ ಅಭಿನಯದ ಬೀಸ್ಟ್ ಸಿನಿಮಾ ಕೆಜಿಎಫ್ 2 ಜೊತೆ ಸ್ಪರ್ಧೆಗಿಳಿದು ತಪ್ಪು ಮಾಡಿತಾ? ಹೀಗೊಂದು ಚರ್ಚೆ ಈಗ ಸಿನಿಮಾ ರಂಗದಲ್ಲಿ ಶುರುವಾಗಿದೆ.

ಬೀಸ್ಟ್ ಮೊದಲ ದಿನದ ಕಲೆಕ್ಷನ್ ಭರ್ಜರಿಯಾಗಿಯೇ ಇತ್ತು. ಆದರೂ ಕೆಲವರು ಸಿನಿಮಾ ಬಗ್ಗೆ ನೆಗೆಟಿವ್ ಕಾಮೆಂಟ್ ಮಾಡಿದ್ದರು. ಇದಕ್ಕೆ ತಕ್ಕಂತೆ ಮರುದಿನವೇ ಕೆಜಿಎಫ್ 2 ಸಿನಿಮಾ ಬಿಡುಗಡೆಯಾಯಿತು.

ತಾಂತ್ರಿಕವಾಗಿ, ಕತೆ ವಿಚಾರದಲ್ಲಿ ಮತ್ತು ಅಭಿನಯದಲ್ಲಿ ಕೆಜಿಎಫ್ 2 ಸಿನಿಮಾ ಬೀಸ್ಟ್ ಗಿಂತ ತುಂಬಾ ಮುಂದಿತ್ತು. ಸಿನಿಮಾ ನೋಡಿದವರೆಲ್ಲಾ ಸಕಾರಾತ್ಮಕ ಪ್ರತಿಕ್ರಿಯೆ ನೀಡಿದರು. ಇದರಿಂದಾಗಿ ಬೀಸ್ಟ್ ಹಿಂದೆ ಬಿತ್ತು. ಹೀಗಾಗಿ ಕೆಜಿಎಫ್ 2 ಜೊತೆ ಸ್ಪರ್ಧೆಗಿಳಿಯಲು ಹೋಗಿ ವಿಜಯ್ ಸಿನಿಮಾ ತಂಡ ತಪ್ಪು ಮಾಡಿತಾ ಎಂಬ ಪ್ರಶ್ನೆ ಶುರುವಾಗಿದೆ.