BBK11: ಕಿಚ್ಚ ಸುದೀಪ್ ವಿರುದ್ಧವೇ ಸಿಡಿದೆದ್ದ ಚೈತ್ರಾ ಕುಂದಾಪುರ

ಬೆಂಗಳೂರು: ಬಿಗ್ ಬಾಸ್ ಮನೆಯಲ್ಲಿ ಲಾಯರ್ ಜಗದೀಶ್ ವಿಚಾರವಾಗಿ ಮನೆಯವರಿಗೆ ಕ್ಲಾಸ್ ತೆಗೆದುಕೊಂಡ ಕಿಚ್ಚ ಸುದೀಪ್ ವಿರುದ್ಧ ಮನೆಯವರೇ ತಿರುಗಿಬಿದ್ದಿದ್ದಾರೆ.

ಲಾಯರ್ ಜಗದೀಶ್ ರನ್ನು ಹೊರಹಾಕಿದ ವಿಚಾರವಾಗಿ ಈ ವಾರಂತ್ಯದ ಎರಡೂ ಎಪಿಸೋಡ್ ಗಳಲ್ಲಿ ಕಿಚ್ಚ ಸುದೀಪ್ ಮನೆಯವರಿಗೆ ಕ್ಲಾಸ್ ತೆಗೆದುಕೊಂಡಿದ್ದಾರೆ. ಜಗದೀಶ್ ಮಾಡಿದ್ದು ತಪ್ಪು ಎಂದಾದರೆ ನೀವು ಎಷ್ಟು ಸರಿ ಇದ್ದೀರಿ ಎಂದು ಪ್ರಶ್ನೆ ಹಾಕಿದ ಕಿಚ್ಚ ಎರಡೂ ದಿನ ಮನೆಯ ಸ್ಪರ್ಧಿಗಳ ತಪ್ಪುಗಳನ್ನು ಎತ್ತಿ ತೋರಿಸಿದರು.

ಆದರೆ ಈ ವಿಚಾರಕ್ಕೆ ಮನೆಯವರು ಅಸಮಾಧಾಗೊಂಡಿದ್ದಾರೆ. ಅದರಲ್ಲೂ ವಿಶೇಷವಾಗಿ ಚೈತ್ರಾ ಕುಂದಾಪುರ ಈ ವಿಚಾರವಾಗಿ ಮನೆಯವರೊಂದಿಗೆ ಮಾತನಾಡಿದ್ದು, ಕಿಚ್ಚ ಸುದೀಪ್ ಮಾತನಾಡಿರುವುದನ್ನು ಸರಿಯಲ್ಲ ಎಂದಿದ್ದಾರೆ. ಕಿಚ್ಚ ಸುದೀಪ್ ಈ ವಾರ ಮನೆಯವರಿಗೆ ಕ್ಲಾಸ್ ತೆಗೆದುಕೊಂಡಿರುವುದರಿಂದ ಲಾಯರ್ ಜಗದೀಶ್ ಮಾಡಿದ್ದು ಸರಿ ಎಂಬ ಅರ್ಥ ಮೂಡುವಂತೆ ಮಾಡಿದೆ. ಇದು ಇತರೆ ಸ್ಪರ್ಧಿಗಳ ಅಸಮಾಧಾನಕ್ಕೆ ಕಾರಣವಾಗಿದೆ.

ಇದರ ಬಗ್ಗೆ ಚೈತ್ರಾ ಕುಂದಾಪುರ ಖಂಡಿಸಿದ್ದಾರೆ. ನೀನು ನನಗೆ ಕೆಸರು ಎರಚಿದರೆ ನಾನೂ ಕೆಸರನ್ನೇ ಎರಚೋದು. ಆ ವ್ಯಕ್ತಿ ಬಗ್ಗೆ ನನಗೇಕೆ ಅಷ್ಟು ಕ್ಲಾರಿಟಿ ಕೊಡ್ತಾರೆ? ಸ್ಪರ್ಧಿಗಳಿಗೆ ಸುದೀಪ್ ಬೈದರು ಅನ್ನೋದನ್ನಷ್ಟೇ ಜನ ನೆನಪಿಟ್ಕೊಳ್ತಾರೆ. ಆದರೆ ಮಧ್ಯೆ ಹೇಳಿದ ಕೆಲವು ಲೈನ್ ಗಳನ್ನು ಜನ ನೆನಪಿಟ್ಟುಕೊಳ್ಳಲ್ಲ’ ಎಂದಿದ್ದಾರೆ. ಮನೆಯವರೆಲ್ಲರಿಗೂ ಕಿಚ್ಚ ಸುದೀಪ್ ಈ ವಾರ ಜಗದೀಶ್ ವಿಚಾರದಲ್ಲಿ ತಮಗೆ ಕ್ಲಾಸ್ ತೆಗೆದುಕೊಂಡಿದ್ದು ಸ್ವಲ್ಪವೂ ಇಷ್ಟವಾಗಿಲ್ಲ ಎನ್ನುವುದು ಸ್ಪಷ್ಟವಾಗಿತ್ತು.