ಬಾಹುಬಲಿ ಮೊಬೈಲ್ ಗೇಮ್ ಬಂತು ನೋಡಿ

ಭಾರತೀಯ ಚಿತ್ರರಂಗದಲ್ಲೇ ಸಾಕಷ್ಟು ಚರ್ಚೆ ಹುಟ್ಟುಹಾಕಿದ, ಬಾಕ್ಸ್ ಆಫೀಸಲ್ಲಿ ದಾಖಲೆ ಸೃಷ್ಟಿಸಿದ ಪ್ರಾದೇಶಿಕ ಚಿತ್ರ ಬಾಹುಬಲಿ. ಈ ಚಿತ್ರದ ಬಗ್ಗೆ ಮಾತನಾಡುತ್ತಾ, ಬಾಹುಬಲಿ ಎಂಬುದು ಒಂದು ಮಹಾವೃಕ್ಷ ಅದರ ಒಂದು ಟೊಂಗೆ ಮಾತ್ರ ಸಿನಿಮಾ ಎಂದು ಎಸ್ ಎಸ್ ರಾಜಮೌಳಿ ಈ ಹಿಂದೊಮ್ಮೆ ಹೇಳಿದ್ದರು.

ಇದರ ಭಾಗವಾಗಿ ಕಾಮಿಕ್ ಬುಕ್ಸ್, ವಿಆರ್ ಮುಂತಾದವು ಮಾರುಕಟ್ಟೆಗೆ ಬಂದಿವೆ. ಶೀಘ್ರದಲ್ಲೇ ಬಾಹುಬಲಿ ಮೊಬೈಲ್ ಗೇಮ್ ಸಹ ಬಿಡುಗಡೆಯಾಗುತ್ತಿದೆ. ಇದಕ್ಕೆ ಸಂಬಂಧಿಸಿದಂತೆ ಮೂನ್ ಫ್ರಾಗ್ ಲ್ಯಾಬ್ಸ್‌ನ ಮಾರ್ಕ್ ಸ್ಕಗಾಸ್‍ರೊಂದಿಗೆ ಚರ್ಚಿಸಲಾಗಿದೆ.

ಫಾಮ್‌ವಿಲ್ಲೆ, ಲಾರ್ಡ್ ಆಫ್ ರಿಂಗ್ಸ್ ಮುಂತಾದ ಮೊಬೈಲ್ ಗೇಮ್ ಸೃಷ್ಟಿಕರ್ತ ಇವರು. ಬಾಹುಬಲಿ ಮೊಬೈಲ್ ಗೇಮ್‌ಗೆ ಸಂಬಂಧಿಸಿದಂತೆ ಮಾರ್ಕ್ ಸ್ಕಗಾಸ್‍ ಜತೆ ರಾಜಮೌಳಿ ಚರ್ಚಿಸುತ್ತಿರುವ ಫೋಟೋಗಳು ಆರ್ಕ್ ಮೀಡಿಯಾ ಎಲ್ಲರೊಂದಿಗೆ ಹಂಚಿಕೊಂಡಿದೆ. ಸಿನಿಮಾ ತರಹ ಬಾಹುಬಲಿ ಮೊಬೈಲ್ ಗೇಮ್ ಸಹ ಸೂಪರ್ ಹಿಟ್ ಆಗುತ್ತಾ? 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.