ರಾಜಮೌಳಿ ಅವರ ಬಾಹುಬಲಿ-1 ಭಾರತ ದೇಶದಲ್ಲಿ ಬಿಡುಗಡೆಯಾಗಿ ಸಾಕಷ್ಟು ಹೆಸರು ಹಣ ಎರಡನ್ನು ಗಳಿಸಿತು. ಈಗ ಅದು ಭಾರತದ ಜೊತೆಗೆ ವಿಶ್ವದೆಲ್ಲೆಡೆ ಗಳಿಕೆ ಮಾಡಿ ದಾಖಲೆ ನಿರ್ಮಿಸಿದೆ. ಅಷ್ಟೇ ಅಲ್ಲದೆ ಈ ಚಿತ್ರ ಇನ್ನು ಗಳಿಕೆ ಮಾಡುತ್ತಲೇ ಸಾಗಿದೆ. ಈ ಒಂದು ಮನೋರಂಜನೀಯ ಕಥಾಹಂದರದ ಫ್ಯಾಂಟಸಿ ಚಿತ್ರದ ಮೂಲಕ ಮತ್ತೆ ಪ್ರೇಕ್ಷಕ ಪ್ರಭುಗಳ ಮನ ತಣಿಸಿದ ರಮ್ಯಕೃಷ್ಣ, ಸತ್ಯರಾಜ್ ರಂತಹ ಅಪರೂಪದ ಕಲಾವಿದರು ಇನ್ನು ಬಾಹುಬಲಿ ಚಿತ್ರದ ಮೂಲಕ ಚೀನಾ ಭಾಷೆ ಮಾತನಾಡಲಿದ್ದಾರೆ. ಈ ಸಂಗತಿ ಬಗ್ಗೆ ವಿವರವಾಗಿ ಹೇಳುವುದಾದರೆ ಈ ಚಿತ್ರ ಈಗ ಚೀನಾ ಭಾಷೆಗೆ ಡಬ್ಬಿಂಗ್ ಆಗಲಿದೆ. ಸಾಮಾನ್ಯವಾಗಿ ಭಾರತದ ಸಿನಿಮಾಗಳು ಚೀನಾ ದೇಶದಲ್ಲಿ ಅದೇ ಭಾಷೆಯಲ್ಲಿ ಡಬ್ಬಿಂಗ್ ಆಗಿ ಪ್ರದರ್ಶಿತವಾಗುತ್ತದೆ. ಈಗ ಬಾಹುಬಲಿ ಆ ಸ್ಥಾನ ಪಡೆದಿದೆ.
ಅನುಷ್ಕ, ಪ್ರಭಾಸ್, ರಾಣ ಮುಂತಾದವರು ನಟಿಸಿರುವ ಈ ಚಿತ್ರದ ಚೀನಾ ವರ್ಶನ್ ನ್ನು ವಿನ್ಸೆಂಟ್ ತಾಲಿಬಾನ್ ಅವರು ಎಡಿಟ್ ಮಾಡುತ್ತಿದ್ದಾರೆ. ದಿ ಇನ್ಕ್ರೆಡಿಬಲ್ ಹಲ್ಕ್, ಕ್ಲಾಶ್ ಆಫ್ ದ ಟೈಟಾನ್ಸ್ ಚಿತ್ರಗಳು ಇವರ ಕೈ ಚಳಕದಿಂದ ಹೊರ ಬಂದಿದೆ. ಈಗ ಬಾಹುಬಲಿ ಇವರ ಕೈಗೆ ಸಿಕ್ಕಿದೆ. ಅಕ್ಟೋಬರ್ ತಿಂಗಳಲ್ಲಿ ಈ ಚಿತ್ರ ಚೀನಾ ಭಾಷಿಗರ ಮುಂದೆ ಬರಲಿದೆ.