ಬಾಹುಬಲಿ ಚಿತ್ರೀಕರಣ ಮುಕ್ತಾಯ, ಏ.28ಕ್ಕೆ ಬಿಡುಗಡೆ

ಅಂತೂಇಂತೂ ಎಸ್ ಎಸ್ ರಾಜಮೌಳಿ ನಿರ್ದೇಶನ ಬಾಹುಬಲಿ 2 ಚಿತ್ರ ಕುಂಬಳಕಾಯಿ ಹೊಡೆಸಿಕೊಂಡಿದೆ. ಅದ್ದೂರಿ ಬಜೆಟ್ ಚಿತ್ರ ಇದಾಗಿದ್ದು ಶೂಟಿಂಗ್‌ಗೆ ಪ್ಯಾಕಪ್ ಹೇಳಿದ್ದಾರೆ ರಾಜಮೌಳಿ. ಸ್ವತಃ ನಿರ್ದೇಶಕರು ಈ ವಿಷಯವನ್ನು ಸಾಮಾಜಿಕ ತಾಣದಲ್ಲಿ ಹಂಚಿಕೊಂಡು ಪ್ರಭಾಸ್‍ಗೆ ಧನ್ಯವಾದ ತಿಳಿಸಿದ್ದಾರೆ.

ಇದಕ್ಕೆ ಸಂಬಂಧಿಸಿದ ಫೋಟೋಗಳನ್ನು ಟ್ವಿಟ್ಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ಹರಿವಾಣದಲ್ಲಿ ಕುಂಬಳಕಾಯಿ, ತೆಂಗಿನಕಾಯಿ, ಅದನ್ನು ಹಿಡಿದು ಬಾಹುಬಲಿ (ಪ್ರಭಾಸ್) ಇರುವ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. 

ವಿಶ್ವದಾದ್ಯಂತ ಅದ್ಭುತ ಯಶಸ್ಸನ್ನು ಕಂಡ ’ಬಾಹುಬಲಿ’ ಚಿತ್ರದ ಮುಂದಿನ ಭಾಗವಾಗಿ ಈ ಚಿತ್ರ ತೆರೆಗೆ ಬರುತ್ತಿದೆ. ಪಾತ್ರವರ್ಗದಲ್ಲಿ ಪ್ರಭಾಸ್‍ ಜೊತೆಗೆ ರಾನಾ ದಗ್ಗಿಬಾಟಿ, ಅನುಷ್ಕಾ ಶೆಟ್ಟಿ, ತಮನ್ನಾ ಮುಖ್ಯಭೂಮಿಕೆಯಲ್ಲಿದ್ದಾರೆ. ಏಪ್ರಿಲ್ 28ಕ್ಕೆ ಚಿತ್ರವನ್ನು ಪ್ರೇಕ್ಷಕರ ಮುಂದೆ ತರುತ್ತಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.