ಬಾಹುಬಲಿ 2 ಪೋಸ್ಟರ್ ನಲ್ಲಿ ತಪ್ಪು ಹುಡುಕಿದ ನೆಟ್ಟಿಗರು!

ಎಸ್.ಎಸ್.ರಾಜಮೌಳಿ ಪ್ರತಿಷ್ಠಿತ ಚಿತ್ರವಾಗಿ ಮೂಡಿಬರುತ್ತಿರುವ ಬಾಹುಬಲಿ 2 ಚಿತ್ರದ ಪೋಸ್ಟರ್ ಇತ್ತೀಚೆಗೆ ಬಿಡುಗಡೆಯಾಗಿದ್ದು ಗೊತ್ತೇ ಇದೆ. ಪ್ರಭಾಸ್ ಮತ್ತು ಅನುಷ್ಕಾ ಶೆಟ್ಟಿ ಬಿಲ್ಲಿಗೆ ಬಾಣ ಹೂಡಿ ನಿಂತಿರುವ ಭಂಗಿಯಲ್ಲಿ ಪೋಸ್ಟರ್ ಬಿಡುಗಡೆ ಮಾಡಲಾಗಿದೆ.

ಈ ಪೋಸ್ಟರ್ ನೋಡಿದವರು ತುಂಬಾ ಚೆನ್ನಾಗಿದೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದರು. ಆದರೆ ಈ ಪೋಸ್ಟರ್ ನಲ್ಲಿ ತಪ್ಪು ನುಸುಳಿದೆ ಎಂದು ನೆಟ್ಟಿಗರು ಕಂಡುಹಿಡಿದಿದ್ದಾರೆ. ಇಷ್ಟಕ್ಕೂ ಈ ಪೋಸ್ಟರ್ ನಲ್ಲಿ ಇರುವಂತಹ ತಪ್ಪೇನು ಎಂದರೆ...ಬಹಳ ಸೂಕ್ಷ್ಮವಾಗಿ ಗಮನಿಸಿದರೆ ಮಾತ್ರ ನಿಮ್ಮ ಗಮನಕ್ಕೂ ಬರುತ್ತದೆ!

ಬಿಲ್ಲನ್ನು ಹಿಡಿದುಕೊಂದು ಅನುಷ್ಕಾ, ಪ್ರಭಾಸ್ ನಿಂತಿದ್ದಾರೆ. ಮುಂದೆ ಅನುಷ್ಕಾ, ಆಕೆಯ ಹಿಂದೆ ಪ್ರಭಾಸ್ ಬಿಲ್ಲು ಹಿಡಿದಿದ್ದಾರೆ. ಆದರೆ... ಗುರಿ ಇಟ್ಟಿರುವ ಬಾಣಗಳನ್ನು ಒಮ್ಮೆ ಗಮನಿಸಿದರೆ... ಮುಂದೆ ನಿಂತಿರುವ ಅನುಷ್ಕಾ ಬಾಣದ ಮೇಲೆ ಹಿಂದೆ ಬಿಲ್ಲು ಹಿಡಿದು ನಿಂತಿರುವ ಪ್ರಭಾಸ್ ಬಾಣಗಳು ಕಾಣುತ್ತಿವೆ.

ಹಿಂದೆ ನಿಂತಿರುವ ಪ್ರಭಾಸ್ ಬಾಣ ಮುಂದೆ ನಿಂತಿರುವ ಅನುಷ್ಕಾ ಬಿಲ್ಲಿನ ಮೇಲೆ ಹೇಗೆ ಬಂದವು? ಎಂದು ನೆಟ್ಟಿಗರು ಕೇಳುತ್ತಿದ್ದಾರೆ. ತೆರೆಯ ಮೇಲೆ ಅತ್ಯದ್ಭುತ ದೃಶ್ಯಕಾವ್ಯ ಸೃಷ್ಟಿಸುವ ರಾಜಮೌಳಿ ಈ ಸಣ್ಣ ತಪ್ಪನ್ನು ಯಾಕೆ ಗುರುತಿಸಲಿಲ್ಲ ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಚರ್ಚೆ ನಡೆಯುತ್ತಿದೆ. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.