ನೂರಾರು ಕೋಟಿ ಬಜೆಟ್, ಅದ್ದೂರಿ ತಾರಾಗಣ, ಹಾಲಿವುಡ್ ಚಿತ್ರಗಳೂ ಸೃಷ್ಟಿಸದಷ್ಟು ಹವಾ. ಹೀಗೆ ವಿಶ್ವಾದ್ಯಂತ ಭಾರೀ ಸದ್ದು ಮಾಡುತ್ತಾ 9000 ಸ್ಕ್ರೀನ್`ಗಳಲ್ಲಿ ತೆರೆ ಕಂಡ ಬಾಹುಬಲಿ-2 ಸಿನಿಮಾ ಫೇಸ್ಬುಕ್ ಲೈವ್`ನಲ್ಲಿ ಪ್ರಸಾರವಾದ ಬಗ್ಗೆ ವರದಿಯಾಗಿದೆ.
ನಿನ್ನೆ ಸಂಜೆ ಕುವೈತ್`ನಲ್ಲಿ ಸಿನಿಮಾ ನೋಡುತ್ತಿದ್ದ ಪ್ರೇಕ್ಷಕನೊಬ್ಬ ಫೇಸ್ಬುಕ್`ನಲ್ಲಿ ಲೈವ್ ಮಾಡಿದ್ದಾನೆ ಎಂದು ವರದಿಯಾಗಿದೆ. ಸುಮಾರು 55 ನಿಮಿಷಗಳ ಸಿನಿಮಾ ಲೈವ್ ಆಗಿದ್ದು, 20 ಸಾವಿರಕ್ಕೂ ಅಧಿಕ ಮಂದಿ ವೀಕ್ಷಿಸಿದ್ದು, 2000ಕ್ಕೂ ಅಧಿಕ ಶೇರ್ ಆಗಿದೆ.
ಅಷ್ಟೇ ಅಲ್ಲ, ಕೆಲ ಸ್ಥಳೀಯ ಚಾನಲ್`ಗಳು ಬ್ಲರ್ ವಿಡಿಯೋವನ್ನೇ ಪ್ರಸಾರ ಮಾಡಿವೆ ಎನ್ನಲಾಗಿದೆ. ಬಾಹುಬಲಿಯನ್ನ ಕಟ್ಟಪ್ಪ ಕೊಂದದ್ದೇಕೆ ಎಂಬ ಕುತೂಹಲದ ವಿಷಯದ ಹಿನ್ನೆಲೆಯಲ್ಲಿ ಚಿತ್ರ ವಿಶ್ವಾದ್ಯಂತ ಭಾರೀ ಹವಾ ಸೃಷ್ಟಿಸಿತ್ತು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ