ಇತ್ತೀಚಿಗೆ ಸ್ಯಾಂಡಲ್‌ವೂಡ್‌ನಲ್ಲಿ ಹೊಸಬರ ಸಿನೇಮಾಗಳು ಒಂದರ ಹಿಂದೆ ಒಂದರಂತೆ ಬರ್ತಾ ಇದೆ, ಇದಕ್ಕೆ ಮತ್ತೊಂದು ಸೇರ್ಪಡೆ ಅಂದರೆ ಅಯ್ಯೋರಾಮ ಚಿತ್ರ. ಹೊಸಬರೇ ಸೇರಿಕೊಂಡು ಮಾಡಿರುವ ಚಿತ್ರ ಇದಾಗಿದ್ದು ಈ ಸಿನಿಮಾದ ಟ್ರೇಲರ್ ಯುಟ್ಯೂಬ್‌ನಲ್ಲಿ ಸಕತ್ ಸೌಂಡು ಮಾಡ್ತಾ ಇದೆ.
ಅಷ್ಟೇ ಅಲ್ಲ ಟ್ರೇಲರ್‌ಗೆ ಜನರಿಂದ ಒಳ್ಳೆ ಪ್ರತಿಕ್ರಿಯೆಯು ಕೂಡಾ ವ್ಯಕ್ತವಾಗ್ತಿದೆ ಅಲ್ಲದೇ ಡ್ರಾಮಾ ಮತ್ತು ಕಾಮಿಡಿಯನ್ನು ಸಹ ನೀವು ಚಿತ್ರದಲ್ಲಿ ಕಾಣಬಹುದಾಗಿದೆ. ಶೇಷನ್ ಪದ್ಮನಾಭನ್, ಪ್ರಿಯಾಂಕ ಸುರೇಶ್ ಮುಖ್ಯ ಪಾತ್ರದಲ್ಲಿ ಅಭಿನಯಿಸಿದ್ದು, ಪ್ರದೀಪ್ ಪೂಜಾರಿ, ಜಹಂಗೀರ್, ರಾಕ್ಲೈನ್ ಸುಧಾಕರ್,ಕರಿಸುಬ್ಬು, ಪ್ರಣಯಮೂರ್ತಿ ಮುಂತಾದ ತಾರಾಗಣ ಈ ಚಿತ್ರದಲ್ಲಿದೆ. ಶ್ರೀ ಕೃಪೆ ಲಾಂಚನದಲ್ಲಿ ತ್ರಿವಿಕ್ರಮ್ ರಘು ಸಿನಿಮಾ ನಿರ್ಮಾಣ ಮಾಡಿದ್ದು, ಕಥೆ, ಚಿತ್ರಕಥೆ, ಸಂಭಾಷಣೆ ಜೊತೆಗೆ ಗೀತೆ ರಚನೆ ಮತ್ತು ನಿರ್ದೇಶನದ ಹೊಣೆಯನ್ನು ಆ ವಿನೋದ್‌ಕುಮಾರ್ ಹೊತ್ತಿದ್ದಾರೆ.
ಸಿನಿಮಾದ ವಿಶೇಷವೇನು?
ಈಗಾಗಲೇ ಸಾಕಷ್ಟು ಹಳ್ಳಿ ಆಧಾರಿತ ಸಿನೇಮಾಗಳನ್ನು ನೀವು ನೋಡಿರ್ತಿರಾ, ಆದ್ರೆ ಈ ಸಿನಿಮಾ ಅವೆಲ್ಲವುಗಳಿಗಿಂತ ಭಿನ್ನವಾಗಿದೆ ಎನ್ನುತ್ತಾರೆ ಚಿತ್ರತಂಡ. ಇದೊಂದು ಕಾಮಿಡಿ ಹಾಗೂ ಥ್ರಿಲ್ಲರ್ ಸಿನಿಮಾ ಆಗಿರೋದ್ರಿಂದ ಹೊಸದಾಗಿ ಏನನ್ನಾದರೂ ಈ ಸಿನಿಮಾದಲ್ಲಿ ಪ್ರೇಕ್ಷಕರು ನಿರೀಕ್ಷಿಸಬಹುದಾಗಿದೆ.
ವಿವೇಕ್ ಚಕ್ರವರ್ತಿ ಈ ಸಿನಿಮಾಕ್ಕೆ ಸಂಗೀತವನ್ನು ಕಂಪೋಸ್ ಮಾಡಿದ್ದು, ಶ್ಯಾಮ್ ಸಿಂಧನೂರ್ ಈ ಸಿನಿಮಾಕ್ಕೆ ಅದ್ಭುತ ಕ್ಯಾಮರಾ ಕೈಚಳಕ ತೋರಿದ್ದಾರೆ ಎನ್ನಬಹುದು. ಅಲ್ಲದೇ ಚಿತ್ರದ ಮೇಕಿಂಗ್ ಕೂಡಾ ಉತ್ತಮವಾಗಿರೋ ಕಾರಣ ಚಿತ್ರ ಪ್ರೇಕ್ಷಕರಿಗೆ ಇಷ್ಟವಾಗುವುದರಲ್ಲಿ ಅನುಮಾನವಿಲ್ಲ ಎಂದು ಹೇಳಬಹುದು. ಹೊಸಬರ ಈ ಪ್ರಯತ್ನ ಸಿನೀಮಾ ಪ್ರಿಯರಿಗೆ ಇಷ್ಟವಾಗುತ್ತಾ ಇಲ್ಲ ಎನ್ನೋದು ಮುಂದಿನ ದಿನಗಳಲ್ಲಿ ಕಾಣಬಹುದಾಗಿದೆ.
Ayyo Rama Official Trailer Link - https://youtu.be/2CQ5NZiO7rY