ಹೈದರಾಬಾದ್: ಹಿರಿಯ ನಟ ಆಶಿಶ್ ವಿದ್ಯಾರ್ಥಿ ತಮ್ಮ 60 ನೇ ವಯಸ್ಸಿನಲ್ಲಿ ಎರಡನೇ ಮದುವೆಯಾಗಿರುವುದು ಸುದ್ದಿಯಾಗಿದೆ.
ನಿನ್ನೆಯಷ್ಟೇ ಅವರ ಮದುವೆ ಫೋಟೋಗಳು ವೈರಲ್ ಆಗಿದ್ದವು. ಇದರ ಬೆನ್ನಲ್ಲೇ ಸೋಷಿಯಲ್ ಮೀಡಿಯಾದಲ್ಲಿ ಅವರನ್ನು ಟ್ರೋಲ್ ಮಾಡಲಾಗುತ್ತಿದೆ.
ಆಶಿಶ್ 50 ವರ್ಷದ ರೂಪಾಲಿ ಅವರನ್ನು ಸರಳವಾಗಿ ವಿವಾಹವಾಗಿದ್ದರು. ಆದರೆ ಇದನ್ನು ನೋಡಿದ ನೆಟ್ಟಿಗರು ಈ ಇಳಿವಯಸ್ಸಿನಲ್ಲಿ ಮದುವೆಯಾಗಿ ನರೇಶ್-ಪವಿತ್ರಾ ಲೋಕೇಶ್ ಗೆ ಕಾಂಪಿಟೀಷನ್ ಕೊಡುತ್ತಿದ್ದಾರೆ ಎಂದು ತಮಾಷೆ ಮಾಡಿದ್ದಾರೆ. ಮತ್ತೆ ಕೆಲವರು ಆಕಾಶ್ ಸಿನಿಮಾದಲ್ಲಿ ವಿಲನ್ ಆಗಿದ್ದ ಆಶಿಶ್ ವಿದ್ಯಾರ್ಥಿ ತಂದೆಯ ವಯಸ್ಸಾಗಿದ್ದರೂ ಹೀರೋಯಿನ್ ನ್ನು ಮದುವೆಯಾಗಲು ಹೊರಟಿದ್ದರು. ಅದನ್ನು ಇಲ್ಲಿ ನಿಜ ಮಾಡಿದ್ದಾರೆ ಎಂದು ಟ್ರೋಲ್ ಮಾಡಿದ್ದಾರೆ.