ಚಿಕ್ಕಂದಿನಿಂದ ಸಂಗೀತ ಸಾಮ್ರಾಟ್ ಇಳಯರಾಜ ಅವರ ಅಭಿಮಾನಿ ನಾನು ಎಂದು ಹೇಳಿದ್ದಾಳೆ ಅನುಷ್ಕ ಸ್ವೀಟಿ.ತಮಿಳು, ತೆಲುಗು ಭಾಷೆಗಳಲ್ಲಿ ಲೀಡಿಂಗ್ ನಟಿಯಾಗಿ ತನ್ನ ವೃತ್ತಿ ಬದುಕನ್ನು ಉಜ್ವಲ ಮಾಡಿಕೊಂಡಿರುವ ಈ ಸುರಸುಂದರಿ ಅನುಷ್ಕ ಇತ್ತೀಚಿನ ಚಿತ್ರ ರುದ್ರಮದೇವಿಯಲ್ಲಿ ಇಳಯರಾಜ ಅವರ ಸಂಗೀತ ನಿರ್ದೇಶನವಿದೆ.
ಕಳೆದವಾರ ವಾರಂಗಲ್‌ನಲ್ಲಿ ಈ ಚಿತ್ರದ ಆಡಿಯೋ ಕಾರ್ಯಕ್ರಮ ನಡೆಯಿತು. ಈ ಕಾರ್ಯಕ್ರಮಕ್ಕೆ ಇಳಯರಾಜ ಹಾಜರಾಗಲಿಲ್ಲ. ಆದರೂ ಸಹ ಅವರನ್ನು ಹೆಚ್ಚು ಬಾರಿ ನೆನಪಿಸಿಕೊಂಡರು ಅಲ್ಲಿದ್ದವರು. ಈ ಹಿನ್ನೆಲೆಯಲ್ಲಿ ಅನುಷ್ಕಾ ಮತ್ತೆ ಮತ್ತೆ ಹೇಳಿ ತನ್ನ ಅಭಿಮಾನವನ್ನು ಆಕೆ ವ್ಯಕ್ತ ಪಡಿಸಿದಳು. ಬಳಿಕ ಇಳಯರಾಜ ಅವರನ್ನು ನೋಡಲೆಂದು ತಾನು ಸೋಮವಾರ ಹೈದರಾಬಾದ್‌‌ನಿಂದ ಚೆನ್ನೈಗೆ ಬಂದು ನಗರದ ಪ್ರಸಾದ್ ಸ್ಟುಡಿಯೋದಲ್ಲಿ ರುದ್ರಮದೇವಿಯ ರೀರೆಕಾರ್ಡಿಂಗ್‌ನಲ್ಲಿ ಬ್ಯುಸಿಯಾಗಿದ್ದ ಇಳಯರಾಜ ಅವರನ್ನು ಭೇಟಿ ಆದಳಂತೆ ಈ ಭಾಮೆ.
ಅವರಿಗೆ ಹೂ ಗುಚ್ಛ ನೀಡಿ ತನ್ನ ಖುಷಿಯನ್ನು ಹಂಚಿಕೊಂಡಳು. ತಾನು ಈವರೆಗೂ ಹಲವಾರು ಚಿತ್ರಗಳಲ್ಲಿ ನಟಿಸಿದ್ದರೂ ಸಹಿತ ಇಳಯರಾಜ ಸಂಗೀತ ನಿರ್ದೇಶನ ಇರುವಂತಹ ರುದ್ರಮದೇವಿಯಲ್ಲಿ ನಟಿಸುವುದು ಅತ್ಯಂತ ಖುಷಿಯ ಸಂಗತಿ ಎಂದು ಈ ಸಮಯದಲ್ಲಿ ಹೇಳಿದ್ದಾಳೆ.