ಟಾಲಿವುಡ್‌ ಪವರ್ ಸ್ಟಾರ್ ಪವನ್ ಕಲ್ಯಾಣ್ ಅಭಿನಯದ ಚಿತ್ರ 'ಗಬ್ಬರ್ ಸಿಂಗ್-2'ರ ಬಗ್ಗೆ ಚರ್ಚೆ ನಡೆಯುತ್ತಿದೆ, ಅದರ ಜೊತೆಗೆ ದಾಸರಿ ಅವರು ನಿರ್ಮಿಸುತ್ತಿರುವ ಚಿತ್ರದ ಬಗ್ಗೆಯೂ ಸಹಿತ ಸುದ್ದಿ ಕೇಳಿ ಬಂದಿತ್ತು. ಆದರೆ ಈಗ ಅವೆರಡನ್ನೂ ಮೀರಿದಂತೆ ಮತ್ತೊಂದು ಚಿತ್ರದ ಬಗ್ಗೆ ಸುದ್ದಿ ಕೇಳಿ ಬರುತ್ತಿದ್ದು, ಇತ್ತೀಚೆಗಷ್ಟೇ 'ಸನ್ ಆಫ್ ಸತ್ಯಮೂರ್ತಿ' ಚಿತ್ರವನ್ನು ನಿರ್ದೇಶನ ಮಾಡಿದ್ದ ತ್ರಿವಿಕ್ರಂ ಈಗ ಪವನ್ ಕಲ್ಯಾಣ್ ಅಭಿನಯದ ಚಿತ್ರವನ್ನು ನಿರ್ದೇಶನ ಮಾಡಲು ಸಿದ್ಧತೆ ನಡೆಸಿದ್ದಾರಂತೆ. ಈಗ ಆ ಚಿತ್ರಕ್ಕೆ ಸಂಬಂಧಪಟ್ಟ ಚರ್ಚೆಗಳು ನಡೆಯುತ್ತಿದೆಯಂತೆ.
ಇದರಲ್ಲಿ ಹೀರೋಯಿನ್ ಆಗಿ ಅನುಷ್ಕಾ ಶೆಟ್ಟಿ ಆಯ್ಕೆ ಆಗಿದ್ದಾಳೆ ಎನ್ನುತ್ತಿದೆ ಒಂದಷ್ಟು ಮೂಲಗಳು. ಆದರೆ ಅದು ಸತ್ಯವಾದಲ್ಲಿ ಮೊದಲ ಬಾರಿಗೆ ಆಕೆ ಪವನ್ ಕಲ್ಯಾಣ್ ಅವರ ಜೊತೆ ಅಭಿನಯಿಸುತ್ತಿದ್ದಾಳೆ ಎಂದಾಯ್ತು! ಆದರೂ ಪವನ್ ಹಾಗೂ ತ್ರಿವಿಕ್ರಂ ಜೋಡಿಯ ಚಿತ್ರವನ್ನು ದಾಸರಿ ಅವರೇ ನಿರ್ಮಾಣ ಮಾಡುತ್ತಿದ್ದಾರಾ ಎನ್ನುವ ಸುದ್ದಿ ಸಹಿತ ಇದೆ. ಆದೆ ಏನೇ ವಿಷಯ ಇದ್ದರೂ ಸಹಿತ ಈ ಮೂರು ತಿಂಗಳ ಒಳಗೆ ಈ ಚಿತ್ರ ಸೆಟ್ಟೇರುವುದು ಖಂಡಿತಾ ಎಂದು ಹೇಳುತ್ತಿದ್ದಾರೆ ಟಿ-ಟೌನ್ ಮಂದಿ.