ಬೆಂಗಳೂರು: ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಮತ್ತು ಕಿಚ್ಚ ಸುದೀಪ್ ರನ್ನು ಜತೆಯಾಗಿ ತೆರೆಯ ಮೇಲೆ ನೋಡಬಹುದು ಎಂದು ಕಾಯುತ್ತಿದ್ದ ಅಭಿಮಾನಿಗಳಿಗೆ ನಿರ್ದೇಶಕ ಪ್ರೇಮ್ ಇನ್ನೊಂದು ಸುದ್ದಿ ಕೊಡಲಿದ್ದಾರಂತೆ!
ದಿ ವಿಲನ್ ಚಿತ್ರವನ್ನು ಮಲಯಾಳಂ, ತಮಿಳು ಮತ್ತು ತೆಲುಗು ಭಾಷೆಯಲ್ಲೂ ತಯಾರು ಮಾಡಲು ಯೋಜನೆ ರೂಪಿಸಿಕೊಂಡಿರುವ ಪ್ರೇಮ್, ಶಿವಣ್ಣ ಜಾಗಕ್ಕೆ ಬೇರೆ ಭಾಷೆಯ ಅವತರಣಿಕೆಯಲ್ಲಿ ಮಲಯಾಳಂ ಸೂಪರ್ ಸ್ಟಾರ್ ಮೋಹನ್ ಲಾಲ್ ಅವರನ್ನು ಕರೆತರಲಿದ್ದಾರಂತೆ ಎಂಬ ಸುದ್ದಿ ಬಂದಿದೆ.
ಈಗಾಗಲೇ ಲಂಡನ್ ನಲ್ಲಿ ಶೂಟಿಂಗ್ ಮುಗಿಸಿಕೊಂಡಿರುವ ವಿಲನ್ ಪ್ರೇಕ್ಷಕರಲ್ಲಿ ಭಾರೀ ಕುತೂಹಲ ಮೂಡಿಸಿದೆ. ಈ ಚಿತ್ರದ ಬೇರೆ ಭಾಷಾ ಅವತರಣಿಕೆಯಲ್ಲಿ ಸುದೀಪ್ ಕಾಣಿಸಿಕೊಳ್ಳಲಿದ್ದಾರೆ. ಆದರೆ ಶಿವಣ್ಣ ಜಾಗಕ್ಕೆ ಮಾತ್ರ ಮೋಹನ್ ಲಾಲ್ ರನ್ನು ಕರೆತರಲು ಪ್ರಯತ್ನ ನಡೆದಿದೆ ಎನ್ನಲಾಗಿದೆ.