ಬೆಂಗಳೂರು: ಬಿಗ್ ಬಾಸ್ ಮುಗಿಸಿ ಬಂದ ಮೇಲೆ ಕಿರುತೆರೆಯತ್ತ ವಾಲಿರುವ ನಟಿ ಶ್ರುತಿ ಈಗಾಗಲೇ ಕಲರ್ಸ್ ಸೂಪರ್ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಮಜಾ ಭಾರತ ತೀರ್ಪುಗಾರರಾಗಿ ಬ್ಯುಸಿಯಾಗಿದ್ದರು. ಇದೀಗ ಹೊಸದೊಂದು ಶೋ ನಡೆಸಿಕೊಡಲು ಸಿದ್ಧರಾಗಿದ್ದಾರೆ.
ಈ ಬಾರಿ ಉದಯ ಟಿವಿಗಾಗಿ. ‘ಸತ್ಯ ಕತೆ’ ಎಂಬ ರಿಯಾಲಿಟಿ ಶೋ ಒಂದನ್ನು ಶ್ರುತಿ ನಡೆಸಿಕೊಡಲಿದ್ದಾರೆ. ಅಂದ ಹಾಗೆ ಇದು ಸತ್ಯ ಕತೆಗಳ, ಸಮಸ್ಯೆಗಳ ಅನಾವರಣಗೊಳಿಸುವ ವೇದಿಕೆಯಾಗಲಿದೆಯಂತೆ.
ಶ್ರುತಿ ಈ ಶೋನಲ್ಲಿ ಒಂಥರಾ ಮಧ್ಯಸ್ಥಿಕೆ ಮಾಡುವ ಕೆಲಸ ಮಾಡಲಿದ್ದಾರೆ. ಹಿಂದೆ ಜೀ ಕನ್ನಡ, ಸುವರ್ಣ ವಾಹಿನಿಗಳಲ್ಲಿ ಪ್ರಸಾರವಾಗುತ್ತಿದ್ದ ಕತೆಯಲ್ಲಿ ಜೀವನ ಎಂಬಂತಹ ರಿಯಾಲಿಟಿ ಶೋ ಹೋಲಿಕೆ ಈ ಸತ್ಯ ಕತೆ ಶೋ ವಿವರಣೆ ಕೇಳಿದರೆ ಹೋಲಿಕೆಯಾಗುತ್ತಿದೆ. ಏನೇ ಆಗಲಿ, ಈಗಾಗಲೇ ಪ್ರೋಮೋ ಉದಯ ಟಿವಿಯಲ್ಲಿ ವೀಕ್ಷಕರ ಗಮನಸೆಳೆಯುತ್ತಿದೆ.