ಶಿವಣ್ಣ ಲೀಡರ್ ಚಿತ್ರದಲ್ಲಿ ನಟಿ ಬಿಪಾಶಾ ಬಸು

ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅಭಿನಯದ ಲೀಡರ್ ಚಿತ್ರಕ್ಕೆ ಮಾದಕ ಬೆಡಗಿ ಬಿಪಾಶಾ ಬಸು ಅಡಿಯಿಡಲಿದ್ದಾರೆ. ಈಗಾಗಲೆ ಈ ಬಗ್ಗೆ ಮಾತುಕತೆ ನಡೆಸಿದ್ದು, ಇನ್ನೊಂದು ವಾರದಲ್ಲಿ ಬಿಪಾಶಾ ಬರಲಿರುವ ಬಗ್ಗೆ ಅಧಿಕೃತ ಮಾಹಿತಿ ನೀಡಲಿದೆ ಚಿತ್ರತಂಡ.

ಈಗಾಗಲೆ ಅವರ ಬಳಿ ಮಾತುಕತೆ ಆಗಿದೆ. ಅವರ ಮ್ಯಾನೇಜರ್‍ ಜತೆ ನಿರಂತರ ಸಂಪರ್ಕದಲ್ಲಿದ್ದೇವೆ. ಎಲ್ಲವೂ ಓಕೆ ಆದರೆ ಇನ್ನೊಂದು ವಾರದಲ್ಲಿ ಅವರು ಕನ್ನಡದಲ್ಲಿ ಅಭಿನಯಿಸುವುದು ಗ್ಯಾರಂಟಿ ಅನ್ನುತ್ತಿದ್ದಾರೆ ನಿರ್ಮಾಪಕ ತರುಣ್ ಶಿವಪ್ಪ.

ಬಿಪಾಶಾ ಅವರದು ಚಿತ್ರದಲ್ಲಿ ಸ್ಪೆಷಲ್ ಸಾಂಗ್ ಅಂತೆ. ಈ ಹಾಡಿಗೆ ಅವರು ಹೆಜ್ಜೆಹಾಕಲಿದ್ದಾರೆ. ಬಿಪಾಶಾರನ್ನು ಕನ್ನಡಕ್ಕೆ ಕರೆತರಬೇಕೆಂದು ಬಹಳಷ್ಟು ವರ್ಷಗಳಿಂದ ಪ್ರಯತ್ನಗಳು ನಡದೇ ಇವೆ. ಈಗ ಬಹುಶಃ ಬಿಪಾಶಾ ಸೊಂಟ ಬಳುಕಿಸಲು ಒಪ್ಪಿದ್ದಾರೆ. ಮದುವೆಯಾದ ಬಳಿಕ ಬಿಪಾಶಾ ಕಳೆದ ಎರಡು ವರ್ಷಗಳಿಂದ ಯಾವುದೇ ಸಿನಿಮಾದಲ್ಲಿ ಅಭಿನಯಿಸುತ್ತಿಲ್ಲ. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.